Roukos 6:23 - Ashiri Aeuitaknup Iyohaichish Yona 1897

²³ Nei toho ta yaikopuntek wa tereke yan, kando otta an echi koro kuni pummaha porobe ne ruwe ne gusu ne na; utara koro ekashi ne yakka uweingara utara otta shem korachi ki nisa ruwe ne gusu ne na.

Roukos 6:23 ပူးပေါင်းရင်းမြစ်များ

Iyohaichish 58:11

Yakun, utara ene itak kusu ne, “Son no newa, oupeka utara gusu iwayehe an: Son no newa, moshiri koipishi Kamui an ruwe ne”, ari itak kusu ne na.

Mattaios 5:12

Nupetne yan, shi no yaikopuntek yan; kando oshiketa echi gusu an pummaha anak ne porope ne ruwe ne gusu ne na; orowa, echi etokota okai uweingara utara ne yakka tambe nei no aepokba nisa ruwe ne gusu ne na.

Roukos 1:41

Orowa, Erizabet anak ne Maria erangarap itak nu ita, honi ta an aiai tereke nisa ruwe ne;

Roukos 1:44

E ki rangarap hau anak ne ku kisara otta ahun ita, ku honi ta an aiai nupetne gusu tereke nisa ruwe ne gusu ne na.

Roukos 6:35

Koroka, echi pokba utara omap wa epirikare yan; echi korobe erusa wa iteki nei ambe gusu nishomap yan; yak anak ne echi pummaha porobe ne kusu ne; Iyotta Rikumbe poho echi ne kusu ne na; Shinuma anak ne wen utara otta ne yakka yaiiraige eramushkare utara otta ne yakka e ramu-hauge ruwe ne.

Apostoro ikip oma kambi 14:10

Aine, shinuma matkosanu wa apkash nisa ruwe ne.

Apostoro ikip oma kambi 3:8

Aine, nei guru matkosanu wa ash, orowa apkash heashi ruwe ne; aige, shinuma apkash hene ki, horipi hene ki, Kamui ramye hene ki wa nei utara tura no Kamui kora kenru ta ahun nisa ruwe ne.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 5:3

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

II Korintos 12:10

Tambe gusu, Kiristo korʼirenga ankushtapne kuani katchakbe gusu, aeiwendep gusu, aeishiramnep gusu, aepokbap gusu, yairamkoiki ambe gusu ku enupetne ruwe ne: inambe gusu ne yakun, katchak no ku an ita, nei ita anak ku kiroroashnu ruwe ne gusu ne na.

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

II Timoteos 2:12

yaishiporore yakun, Shinuma tura no epungine kusu ne; Shinuma eshikashke ash yakun, Shinuma un eshikashke ne yakka ki kusu ne:

Hebraios 11:26

samata, Kiristo gusu wen no aye-hi anak ne Echipt moshiri ta okai ikoro kasu no oteknu ambe ne sekoro esanniyo nisa ruwe ne; inambe gusu ne yakun, shinuma anak ne pummaha gusu an iwayehe echipachipa nisa ruwe ne gusu ne na.

Hebraios 11:6

orowa, eishokor-i sak chiki Kamui nupetnere eaikap ruwe ne; inambe gusu ne yakun, Kamui otta ek guru anak ne Kamui an sekoro eishokoro, samata, Shinuma ihunara utara epirikare Kamui ne sekoro eishokoro kunip ne ruwe ne.

Yakob 1:2

Ku iriwak utara, echi koro eishokor-i auwande ambe anak yaiyupupu ambe hetukure ruwe ne sekoro eraman wa,

I Petros 4:13

koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.

Ekambakbe 2:17

Kisara koro gurʼanak ne karisia utara orun Ramat ye itak ambe nu yan. Annokara iki guru otta, Shinuma otta anuina wa an manna Ku ibere kusu ne, orowa, retara shuma Ku kore, nei shuma kata akore guru moshima eraman guru isam no an ashiri reihei chieshinnuye wa an na.

Ekambakbe 2:26

Orowa, annokara ki wa okake an pakno Ku ikip shikkashima guru otta, shinuma otta moshiri uirup ok kashita mondum Ku kore kusu ne: aige,

Ekambakbe 2:7

Kisara koro guru anak ne karisia utara orun Ramat ye itak ambe nu yan. Annokara guru otta Kamui Paradeisos ta an inotu oma chikuni nikaop shinuma Ku ibere kusu ne na.

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

Ekambakbe 3:12

Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

Ekambakbe 3:5

Annokara iki guru anak ne tap korachi retarape amip ani amire kusu ne; orowa, Kuani anak inotu oma kambi-sosh wano shinuma reihei oara shomo Ku ushka kusu ne, orowa, Ku goro Michihi kotchaketa ne yakka, Shinuma koro hauturumbe kotchaketa ne yakka shinuma reihei Ku pushpusu kusu ne.