Roukos 6:19 - Ashiri Aeuitaknup Iyohaichish Yona 1897

¹⁹ Awa; topaha utara obitta Shinuma tomooshma rusui; orowa no kiroro san wa an wa utara obitta iwangere nisa ruwe ne gusu ne na.

Roukos 6:19 ပူးပေါင်းရင်းမြစ်များ

Mattaios 14:36

awa, Shinuma mipihi paruruge tomooshma kuni koramkoro: aige, nen ne yakka nei ambe tomooshma gurʼanak ne aiwangere nisa ruwe ne na.

Markos 3:10

inambe gusu ne yakun, Shinuma inne utara iwangere okere; tambe gusu, nen ne yakka shiyeyepa utara tomooshma kuni ne Shinuma ukonumba shiriki okai ruwe ne.

Markos 5:30

Orowa, nani yaikota orowa no kiroro oashin ari an ambe, Yesu keutum ta eramʼan wa inne utara orun hosari hine, Ku mipi tomooshma guru anak inan guru ne ruwe he an, sekoro itak.

Markos 6:56

Orowa, neita ne yakka nep kotan orun hene, machiya orun hene, ushike orun hene, oman yakun, utara anak ne ihok ushiketa tashum ki utara are, orowa, ouse Shinuma koro mipihi chingi patek tomooshma kuni koramkoro: orowa, nen ne yakka nei ambe tomooshma guru anak obitta iwangere nisa ruwe ne na.

Markos 8:22

Orowa, Betsaida kotan orun araki nisa ruwe ne. Aige, utara anak ne shik-nak guru shinen Shinuma otta tura hine, Shinuma tomooshma kuni koramkoro.

Roukos 5:17

Nei i shine an toho ta Shinuma epakashnu wa an; awa, Gariraya moshirʼun kotan ebitta orowa no hemhem, Yudea moshiri orowa no hemhem, Yerusarem machiya orowa no hemhem araki Parisee un utara newa kashpaotte epakashnu utara Shinuma samaketa rok wa okai: orowa, Shinuma anak ne tashum isamka kuni gusu an Utarapa kiroro Shinuma tura an nisa ruwe ne na.

Roukos 6:18

orowa, ichakkere ramat orowa no aranrusarakka utara aiwangere nisa ruwe ne.

Apostoro ikip oma kambi 19:12

shinuma orowa no pon senkaki hene, maitari hene, shiyeyepa utara orota aomande, yakne, tashum isam hemhem ki, wen ramat oashin hemhem ki pakno ne ruwe ne.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne: