Roukos 5:8 - Ashiri Aeuitaknup Iyohaichish Yona 1897

⁸ Tata otta, Simon Petros tap ambe nukara chiki Yesu koro kokka samaketa hepokiki wa ene itak-hi — Aa Utarapa, chikokatpak guru ku ne ruwe ne gusu, en orowa no oyakta oman wa en kore, sekoro itak.

Roukos 5:8 ပူးပေါင်းရင်းမြစ်များ

Mattaios 17:6

Orowa, koikara utara nei hawe nu chiki, enpuina no hachiri, aige, shiri ishitoma nisa ruwe ne.

Mattaios 2:11

Nei nochiu nukara chiki shi no ara enupetne ruwe ne. Orowa, chisei orun ahup wa aiai koro habo Maria tura no an wa nukara, aige, hepokichiu wa Shinuma ongami, samata, ikoro o shuop maka hine tongani, senko, motsuyaku sapte wa, orota yange nisa ruwe ne.

Mattaios 8:8

Ku ek wa iwangere kusu ne — sekoro itak. Utarapa, ku kotʼchisei kitai choropoketa ahun-i shi no ku oripak an, ouse itak ye wa en kore, yakun, ku goro heikachi aiwangere kusu ne.

Roukos 5:7

tambe gusu, moshima an chip otta okai tura no ikichi utara araki wa ikashiu kuni ne otta inishuk. Orowa no, shinuma utara araki chiki nei tu chip ren heashi pakno shikte nisa ruwe ne.

Roukos 5:9

Inambe gusu ne yakun, Simon newa tura no okai utara nei akoiki chep rup eoyamokte ruwe ne gusu ne na;

Yoannes 11:32

Tambe gusu, Maria anak ne Yesu an ushi ta ek wa Shinuma nukara chiki, koro chikiri samaketa hachiri wa orota ene itak-hi :— Utarapa, Aokai teda E an chiki, ku ainu iriwak anak ne rai a shomoki ruwe ne, ari itak.

I Korintos 13:12

Inambe gusu ne yakun, tane anak ne homanno yaikunnukarabe ani chi nukara; koroka, nei ita anak ne uwenitomom no nukan kusu ne ruwe ne: tane anak ne nimara ani ku eraman; koroka, nei ta anak kuani ka ara a en aeraman korachi, ara ku eraman kusu ne.

Ekambakbe 1:17

Awa, Shinuma ku nukara chiki rai guru nepkoro an no koro chikiri samta ku hachiri nisa ruwe ne. Aige, Shinuma anak ne en kashiketa koro teke ande wa ene itak-hi :— Iteki ishitoma yan; Kuani anak ne atpake an ap ne, iyoshi no an ap ne,