Roukos 5:17 - Ashiri Aeuitaknup Iyohaichish Yona 1897

¹⁷ Nei i shine an toho ta Shinuma epakashnu wa an; awa, Gariraya moshirʼun kotan ebitta orowa no hemhem, Yudea moshiri orowa no hemhem, Yerusarem machiya orowa no hemhem araki Parisee un utara newa kashpaotte epakashnu utara Shinuma samaketa rok wa okai: orowa, Shinuma anak ne tashum isamka kuni gusu an Utarapa kiroro Shinuma tura an nisa ruwe ne na.

Roukos 5:17 ပူးပေါင်းရင်းမြစ်များ

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Mattaios 15:1

Orowa, Yerusarem kotan wano Parisee un utara hemhem kambi-nuye utara hemhem Yesu orota araki wa ene itak-hi :—

Markos 1:45

Koroka, shinuma soine wa Yesu anukan no machiya otta ahun eaikap pakno poron no upaskuma heashire hine nei orushpe assuru ashte; tambe gusu Shinuma kim un ushiketa an: awa, nei ita pakno nei wa ne yakka utara anak ne Shinuma orota araki nisa ruwe ne.

Markos 16:18

Ku reihei ankushkeraipo nitne kamui oashinge, orowa, ashiri itak ani ye kusu ne; okokko kishima, orowa, raige kuni iku ambe iku yakka oara a wende shomoki; tashum utara kata teke ande chiki aiwangere kusu ne na, sekoro itak.

Markos 3:22

Orowa, Yerusarem kotan wano sap kambi-nuye utara anak ne, Shinuma Berusebub koro, orowa, nitne kamui esapanep ani nitne kamui oashinge ruwe ne sekoro itak.

Markos 5:30

Orowa, nani yaikota orowa no kiroro oashin ari an ambe, Yesu keutum ta eramʼan wa inne utara orun hosari hine, Ku mipi tomooshma guru anak inan guru ne ruwe he an, sekoro itak.

Markos 7:1

Orowa, Shinuma koro koikara utara tumugeta okai utara use tekehe ani, shomo afuraye teke ani, koro

Roukos 15:2

Awa, Parisee un utara newa kambi-nuye utara newa oromam wa ene itak-hi :— Tan guru anak ne chikokatpak utara tura wa ukoiram no ibe ruwe ne, sekoro itak.

Roukos 2:46

Awa, rereko okaketa Kamui kora kenru ta okai epakashnu utara tumugeta a wa itak nu hemhem ki, uwepekennu hemhem ki wa an wa anukan nisa ruwe ne.

Roukos 5:21

Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak.

Roukos 5:30

Aige, Parisee un utara newa koro kambi-nuye utara anak ne Shinuma koikara utara otta oromam wa ene itak-hi :— Hemanda gusu echi utara anak ne Yaku-etaye utara newa katpak koro utara tura ibe hemhem ki iku hemhem ki ya?

Roukos 6:19

Awa; topaha utara obitta Shinuma tomooshma rusui; orowa no kiroro san wa an wa utara obitta iwangere nisa ruwe ne gusu ne na.

Roukos 7:30

Koroka, Parisee un utara hemhem Mose ikashpaotte pita utara hemhem Shinuma orowa no baptisma akore shomoki gusu; yaikota gusu Kamui esanniyop emaka nisa ruwe ne.

Roukos 8:46

Koroka, Yesu ene itak-hi :— Nenka En tomooshma nisa ruwe ne; inambe gusu ne yakun, En orowa no kiroro oashin katu Ku eramʼan, ari itak.

Yoannes 3:10

Orota Yesu ese wa ene itak-hi :— Aokai Israeru utara koro nei epakashnu guru e ne wa tapne ambe e erampeutek a?

Yoannes 3:21

Koroka, sonep ki guru anak ne koro ki ikip anukara kuni ne pekere otta ek, nei ambe anak ne Kamui otta aki nisa ruwe ne gusu ne na.

Apostoro ikip oma kambi 19:11

Orowa, Kamui anak ne Pauros teke ani makangane an kiroro an ikip ki nisa:

Apostoro ikip oma kambi 4:30

E koro itak ye kuni ne kara, rapoketa, iwangere kuni gusu E tekehe turi wa un kore; shui, E koro ashkanne Uitek guru ne Yesu kon reihei ankushkeraipo shirosh newa iyokunnure ikip aki kuni gusu akoramkon na.

Apostoro ikip oma kambi 5:34

Koroka, nei ukoramkor-i ta Gamarieru ari an reihei koro shine Parisee un guru, tuitak epakashnu guru, obitta no okai utara orowa no aainukoro guru ash wa nei utara irukai gusu asoyumbare kuni kashpaotte nisa ruwe ne.