Roukos 5:10 - Ashiri Aeuitaknup Iyohaichish Yona 1897

¹⁰ naa samata, Simon tura un utara Zebedee poho Yoannes newa Yakob ne yakka enushkari nisa ruwe ne. Orowa, Simon otta Yesu ene itak-hi :— Iteki ishitoma yan; te wano eani ainu utara koiki kusu ne, sekoro itak.

Roukos 5:10 ပူးပေါင်းရင်းမြစ်များ

Mattaios 13:47

Shui, Kando moshiri anak ne atui otta aare wa usa okai chep-rup okarire ya koheraye ruwe ne:

Mattaios 14:27

Koroka, orota Yesu nani itak sange wa ene itak-hi :— Ramu-ritetke yan;

Mattaios 20:20

Orowa, Zebedee koro poho unuhu anak ne po utara tura wa shine eikoramkoro-i an gusu Shinuma otta ek wa ko-ongami nisa ruwe ne.

Mattaios 4:19

En osh araki yan, ainu perai-kara utara echi ne kuni gusu echi kara ash na, ari itak.

Mattaios 4:21

Imakaketa nei i wano arupa, aige, shui moshima okai tu iriwak ne utara Zebedee koro poho Yakob newa koro iriwak Yoannes newa nukan nisa: koro michi Zebedee tura no chip otta okai wa ya oske wa okai, awa, shinuma nei utara ne yakka hotuyekara.

Markos 1:17

Orota Yesu ene itak-hi :— En osh araki yan, ainu peraikara utara echi ne kuni gusu echi kara ash na, ari itak.

Roukos 5:7

tambe gusu, moshima an chip otta okai tura no ikichi utara araki wa ikashiu kuni ne otta inishuk. Orowa no, shinuma utara araki chiki nei tu chip ren heashi pakno shikte nisa ruwe ne.

Roukos 5:9

Inambe gusu ne yakun, Simon newa tura no okai utara nei akoiki chep rup eoyamokte ruwe ne gusu ne na;

Roukos 6:14

Petros ani areikore Simon newa koro ainu iriwak Andreas an;

Yoannes 21:2

Simon Petros hemhem, Didimos ani aye Tomas hemhem, Gariraya moshiri ta Kana kotan un Natanaeru hemhem, Zebedee koro poho utara hemhem, naa moshima okai tu koikara utara hemhem shineanda okai nisa ruwe ne.

Apostoro ikip oma kambi 2:4

Orowa nei utara Ashkanne Ramat ani aeshik, aige, nei Ramat yere korachi, oya moshirʼun itak ani itak heashire nisa ruwe ne.

II Korintos 8:23

Titus gusu uwepekennu guru an chiki, shinuma anak echi utara gusu en tura no iki wa monraige korʼan ruwe ne; chikoro iriwak utara gusu echi uwepekennu chiki, nei utara anak karisia utara koro apostoro utara ne, Kiristo koro araguru ne ruwe ne.

II Timoteos 2:26

nei utara yaieashirikara hine nitne Kamui atte akbe aohaitare, aine, Kamui irenga ankushkerai shinuma ani auk kuni gusu ne na.