Roukos 4:38 - Ashiri Aeuitaknup Iyohaichish Yona 1897

³⁸ Orowa Shinuma Uwekarapa chisei orowa no oman wa Simon kotʼchisei orun ahun nisa ruwe ne. Orowa, Simon koro shiuto-habo yupke seisek mau tashum ki wa an, awa, nei shiwentep gusu utara anak ne Shinuma koramkon ruwe ne.

Roukos 4:38 ပူးပေါင်းရင်းမြစ်များ

Mattaios 15:23

Aa Dabid Poho ne Utarapa, en erampokiwen wa en kore, ku matne po anak ne yupke no nitne kamui shikatkari wa an na, sekoro itak. Koroka, Yesu anak ne shine itak ani ka ese shomoki ruwe ne. Orowa, koikara utara araki wa Shinuma koramkoro hine ene itak-hi :— Tan shiwentep un oshi hawe ashte gusu oyake un omande wa un kore, ani itak nisa ruwe ne.

Mattaios 4:24

Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.

Yoannes 11:22

Tane ne yakka nep ne yakka Aokai Kamui koramkorope anak ne Kamui E kore sekorʼambe ku eramʼan, ani Maruta itak.

Yoannes 11:3

Tambe gusu, mat uiriwak utara Yesu orota teshkara wa ene itakte-hi :— Utarapa, E ikatairotke a guru tashum wa an ruwe ne, ari itakte.

I Korintos 9:5

Samata, moshima okai apostoro utara iki korachi, Utarapa koro iriwak utara iki korachi, shui Kepas iki korachi eishokoro wa okai machihi ekeshne ani wa apkash kuni rengaine an mondum shomo chikon ruwe he an?