Roukos 4:23 - Ashiri Aeuitaknup Iyohaichish Yona 1897

²³ Orosama, nei utara otta Shinuma ene itak-hi :— Oara echi utara anak ne tan itak-maukushte-itak ani En otta ye nangoro :— Potara guru, eani yai-iwangere yan: nep ne yakka Kapernaum kotan ta chi nu an e ki ikip tan e koro kotan ta ne yakka ki yan, sekorʼan itak ani echi ye nangoro.

Roukos 4:23 ပူးပေါင်းရင်းမြစ်များ

Mattaios 13:54

Orowa, koro kotan ta ek wa uwekarapa chisei orun ahun hine utara epakashnu nisa ruwe ne; aige, nu utara iyokunnure wa ene itak-hi :— Tan ainu anak ne nei no okai wayashnu ambe hene kiroro an mondum hene hunak wa kon ruwe he an?

Mattaios 4:13

Nazaret kotan ekohopi wa Zeburon kotau newa Naptari kotan okari an atui samta okai Kapernaum kotan orota oman wa an nisa ruwe ne;

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Markos 6:1

Orowa no, nei ushike wano Shinuma soine, awa, koro kotan orun ek; aine, koikara utara nei osh paye nisa ruwe ne.

Roukos 2:39

Orowa no, nei utara anak ne Utarapa tuitak gusu an okaibe obitta ki okere chiki, Gariraya nroshirʼun koro kotan Nazaret machiya otta hoshippa nisa ruwe ne na.

Roukos 2:51

Orowa, Shinuma eshikop tura no oman hine Nazaret kotan ta arapa, orowa, koro eshikop koitaknu nisa ruwe ne; koro habo anak ne tan orushpe obitta koro keutum ta shikkashima nisa ruwe ne.

Roukos 4:16

Orowa, Shinuma anak ne otta aresu kotan Nazaret orota arapa, aige, ramma ki korachi Shini tobo ta Uwekarapa chisei otta ahun wa kambi orooitak gusu ash nisa ruwe ne.

Roukos 4:31

Orowa, Shinuma Gariraya moshiri ta an Kapernaum kotan ta ran. Awa, Shini toho ta epakashnu wa an;

Roukos 4:35

Orowa, Yesu shinuma ko-sakayokara wa ene itak-hi :— Iteki nep ye no nei guru orowa no oashin yan. Aige, nitne kamui anak ne utara tumugeta shinuma hokushte chiki iwende shomoki no orowa no oashin nisa ruwe ne.

Roukos 6:42

Naa samata, yaikota shikihi oshiketa an umanki-ni e nukara shomoki, aige, nekon a koro iriwak otta — Ku iriwak, e koro shikihi otta an pana en oashingere yan — ani itak ya? Kankapkapeka guru, yaikota shiki otta an umanki-ni hoshiki no oashinge, orowa no, iriwak shikihi otta an pana oashinge kuni ne irammakaka nukara eashkai nangon na.

Yoannes 4:28

Aine, nei shiwentep anak ne koro wakka op ande wa machiya orota oman hine utara otta ene itak-hi :—

II Korintos 5:16

Tambe gusu, tewa no poka, chi utara anak ne kam gusu an ainu eamkiri shomoki: aige, kam gusu an Kiristo chi eamkiri nisa a yakka, tane anak ne nei no chi eamkiri shomoki ruwe ne gusu ne na.