Roukos 4:18 - Ashiri Aeuitaknup Iyohaichish Yona 1897

¹⁸ Utarapa kon Ramat en kashiketa an, Tambe gusu, otek-sak utara otta pirika shongo eupaskuma kuni ne en kashiota nisa ruwe ne gusu ne na: Ashikkashima wa okai utara otta apita katu hemhem, Shiknak utara otta pekere nukare katu hemhem ku nure, Piri-ao utara ku honnere,

Roukos 4:18 ပူးပေါင်းရင်းမြစ်များ

Iyohaichish 102:20

Ipakashnu chisei ta an guru ki tanne heisei nu; Aronnu kuni aesanniyo utara honnere gusu aki na;

Iyohaichish 147:3

Sambe oknatara utara iwangere, Koro piri kokarakari ruwe ne.

Iyohaichish 2:2

Moshiri shikkashima utara yaikota yaiyatte, Utara epungine utara anak ne Ehoba epeka no hemhem, Shinuma koro Messia epeka no hemhem utura ukoramkoro wa ene itak-hi:—

Iyohaichish 2:6

Yakka, Ku goro Ashkanne Sion nupuri kata, Ku moshiri shikkashima guru ku ashte nisa ruwe ne.

Iyohaichish 34:18

Ehoba anak ne keutum ramuoknatara utara samaketa an, Shinuma anak ne keutum yaikowepekere utara kashiobiuki ruwe ne.

Iyohaichish 45:7

Aokai anak ne oupekap omap wa, wenbe etunne nisa ruwe ne; Tambe gusu, Kamui anak ne, E koro Kamui anak, E tura no okai utara akkari wa, Yaikopuntek an shum ani E kashiota nisa ruwe ne.

Iyohaichish 51:17

Kamui ayange kunip anak ne oknatara keutum ne: Oknatara newa yaikokatpak an keutum, Aa Kamui, Aokai shomo etunne kusu ne na.

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Mattaios 12:18

Nei guru etushmak shomoki, rui hau sange ka shomoki: Orowa machiya otta koro hau nen ne yakka orowa no ami ka shomoki kusu ne

Mattaios 12:20

Epuipuise hai ushka ka shomoki. Orowa, Oya moshirʼun utara nei ainu kon reihei ankushkerai chipachipa kusu ne,

Mattaios 4:16

Nei utara otta pekere hetuku nisa ruwe ne na, sekoro uweingara guru ne Isaya ye itak auweomare kuni gusu an ambe ne ruwe ne na.

Mattaios 5:3

Ramat gusu otek-sak utara anak ne anunuke ne; kando moshiri nei utara korope ne gusu ne na.

Roukos 4:17

Awa, orota Uweingara guru Isaya nuye kambi-sosh akore. Aige, nei kambi-sosh maka hine tap korachi anuye wa an ushike nukara :—

Roukos 6:20

Orowa, Shinuma anak ne koro koikara utara orun ingara wa orota ene itak-hi :— Otek sak utara, echi utara, anunuke echi ne, Kamui moshiri echi korobe ne ruwe ne gusu ne na.

Roukos 7:22

Nei utara orota Shinuma ese wa ene itak-hi :— Echi paye wa echi nukarabe newa echi nu okaibe Yoannes orota nure yan; shiknak utara ingara, yaiewen utara apkash, munin tashum ki utara aashkannere, ashpa utara inu, rai utara hetopo-a-shiknure, otek-sak utara otta Pirika shongo aeupaskuma an ruwe ne.

Yoannes 1:41

Tan guru hoshiki no koro iriwak ne Simon koekari wa, — Chi utara Messia koekari ash nisa ruwe ne (tan itak iporose an katu anak ne “Kiristo” ani an iporose ne ruwe ne), sekoro orota ye ruwe ne.

Yoannes 12:46

En eishokoro guru anak ne iteki kunne-i ta oshiroma kuni gusu moshirʼotta ek pekere Ku ne ruwe ne.

Yoannes 3:34

Inambe gusu ne yakun, Kamui orowa no aomande gurʼanak ne Kamui itak ye: Shinuma anak pakari wa Ramat kore shomoki ruwe ne gusu ne na.

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Apostoro ikip oma kambi 4:26

Moshiri shikkashima utara yaikota yaiyatte, Utara epungine utara auak ne Utarapa epeka no hemhem, Shinuma koro Kiristo epeka no hemhem uwekarapa ruwe ne:

Apostoro ikip oma kambi 4:27

Inambe gusu ne yakun, son no newa tan machiya otta Aokai kashiota E koro ashkanne Uitek guru ne Yesu epeka no Herod newa Pontio Pirato anak ne

Korosai 1:13

Shinuma anak ne kunne kiroro orowa no un ohaitare wa, koro omap an Toho koro moshiri orun un ahupte nisa ruwe ne;

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne: