Roukos 4:16 - Ashiri Aeuitaknup Iyohaichish Yona 1897

¹⁶ Orowa, Shinuma anak ne otta aresu kotan Nazaret orota arapa, aige, ramma ki korachi Shini tobo ta Uwekarapa chisei otta ahun wa kambi orooitak gusu ash nisa ruwe ne.

Roukos 4:16 ပူးပေါင်းရင်းမြစ်များ

Mattaios 2:23

aige, Nazaret ani aporose machiya otta oshiroma nisa ruwe ne: tap ambe anak ne, Nazaret un guru ani areikore kusu ne sekoro uweingara utara ye itak auweomare kuni gusu an ruwe ne na.

Roukos 2:39

Orowa no, nei utara anak ne Utarapa tuitak gusu an okaibe obitta ki okere chiki, Gariraya nroshirʼun koro kotan Nazaret machiya otta hoshippa nisa ruwe ne na.

Roukos 2:42

Orowa, Shinuma tu pa ikashima wan pa epa ita nei marapto buri an gusu Yerusarem kotan otta paye nisa ruwe ne;

Roukos 2:51

Orowa, Shinuma eshikop tura no oman hine Nazaret kotan ta arapa, orowa, koro eshikop koitaknu nisa ruwe ne; koro habo anak ne tan orushpe obitta koro keutum ta shikkashima nisa ruwe ne.

Roukos 4:15

Orowa, Shinuma nei utara koro Uwekarapa chisei ta epakashnu, aige, utara obitta Shinuma ko-oripak nisa ruwe ne.

Roukos 4:17

Awa, orota Uweingara guru Isaya nuye kambi-sosh akore. Aige, nei kambi-sosh maka hine tap korachi anuye wa an ushike nukara :—

Roukos 4:21

Orowa, Shinuma anak ne utara otta itak heashire hawe ene okai-hi :— Tanto tan anuye wa an itak echi kisara ta auweomare nisa ruwe ne, ari itak.

Roukos 4:23

Orosama, nei utara otta Shinuma ene itak-hi :— Oara echi utara anak ne tan itak-maukushte-itak ani En otta ye nangoro :— Potara guru, eani yai-iwangere yan: nep ne yakka Kapernaum kotan ta chi nu an e ki ikip tan e koro kotan ta ne yakka ki yan, sekorʼan itak ani echi ye nangoro.

Yoannes 18:20

Orota Yesu ene ese-hi :— Anu no moshirʼotta Ku ye; otta obitta no okai Yudea un utara uwekarapa Uwekarapa chisei ta hemhem, Kamui kora kenru ta hemhem Ku epakashnu nisa ruwe ne: arorokishne no nep ne yakka Ku ye shomoki ruwe ne na.

Apostoro ikip oma kambi 17:2

orowa, Pauros anak ne ramma an buri korachi, nei utara orun ahun, aige, re shini toho pakno Kamui kambisosh koro wa tura no eukoyupetere,