Roukos 3:8 - Ashiri Aeuitaknup Iyohaichish Yona 1897

⁸ Tambe gusu, yaikokatpak uweepeka ibehe hetukure yan, orowa, chikoro michi gusu Abraham an sekorʼan yainu-hi ani echi keutura ta iteki ye heashire yan; inambe gusu ne yakun, echi otta ku ye, Kamui anak ne teda okai shuma ani Abraham gusu poho hetukure eashkai ruwe ne.

Roukos 3:8 ပူးပေါင်းရင်းမြစ်များ

Mattaios 21:43

Tambe gusu, echi otta Ku ye, Kamui moshiri anak ne echi orowa no auk wa gusu hetukure kuni nikaop hetukure uirup otta akore kusu ne.

Mattaios 3:8

Tambe gusu, yaikotatpak kopakeat buri echi ki yan:

Mattaios 3:9

orowa, chikoro michi anak ne Abraham ne sekoro, iteki echi keutum ta ye kuni ambe esanniyo yan; inambe gusu ne yakun, echi otta ku ye, Kamui anak ne tan shuma ani Abraham poho ne gusu hetukure eashkai ruwe ne gusu ne na.

Roukos 13:25

Orowa no, chisei kon nishpa hopuni wa apa-ushta ashi okere chiki, aine, echi utara anak ne soita roshki heashi wa apa-ushta shirikik wa ene itak-hi :— Utarapa, un otta apa sarare wa un kore, ani echi ye ita; nei ita Shinuma echi otta ese wa ene itak kusu ne-hi :— Echi utara anak nen ne ruwe? Nei wano echi araki ya Ku erampeutek, ari ye;

Roukos 13:26

nei ita anak ne echi ye heashi-i anak ene ani ne kusu ne-hi :— E teksamata chi utara ibe hemhem ki, iku hemhem ki, orowa no, Aokai anak ne chi koro machiya otta epakashnu nisa ruwe ne na;

Roukos 14:9

aige, nei guru hemhem eani hemhem hotuyekara guru e otta ek wa ene itak-hi :— Oyakta oman, tan guru rokte yan, sekoro itak: orowa no, eani anak ne yainikoroshma wa iyotta rata an ushiketa a kusu ne.

Roukos 19:40

Orowa, Shinuma ese wa ene itak-hi :— Tan okai utara mo no okai chiki, shuma anak hawe ashte kusu ne na.

Roukos 19:9

Orowa, orota Yesu ene itak-hi :— Tanto kashiobiuki ambe anak ne tan chisei orun ek an, nei guru Abraham koro poho ne ruwe ne gusu ne na.

Roukos 5:21

Tata otta, Parisee un utara newa kambi-nuye utara upaore heashi wa ene itak-hi :— Tan Kamui koatchap ye guru nen ne ya? Kamui moshima anak chikokatpak tusare eashkaibe inan guru ne ruwe he an? ani itak.

Yoannes 8:33

Orota nei utara ene ese-hi :— Chi utara anak ne Abraham sanikiri chi ne, tane pakno nen ne yakka otta shomo chi ausshiunere ash ruwe ne: hemanda Echi utara ahonnere kusu ne, ani E ye ya?

Yoannes 8:39

Shinuma otta nei utara ese wa ene itak-hi :— Chikoro michi anak ne Abraham ne ruwe ne. Orota Yesu ene itak-hi :— Echi utara anak ne Abraham Poho utara echi ne chiki Abraham koro ikip echi ki kusu ne.

Apostoro ikip oma kambi 26:20

koroka, hoshiki no Damaskos kotan un utara, orowa Yerusarem kotan newa Yudea moshiri shikapnekano okai utara, samata Oya un utara ne yakka yaikokatpak wa Kamui otta hosari hemhem ki, yaikokatpak kuni oupak buri hemhem ki kuni ne, otta ku ye nisa ruwe ne.

Roma 4:16

buri ne yakka isam ruwe ne. Tambe gusu irenga nei no an wa eishokor-i gusu an ambe ne; nei ambe anak ne eitakamkirep obitta no okai santek otta an kuni gusu an ambe ne; ouse nei tuitak otta kotuk santek gusu patek ne ambe shomo ne, koroka, Abraham koro eishokor-i otta kotuk santek gusu ne yakka an ambe ne ruwe ne: Shinuma anak ne otta ko-eishokoro guru kotchaketa,

Roma 9:7

orowa no san utara anak ne obitta Israeru un utara shomo ne: shui, Abraham koro santek ne gusu, obitta poho shomo ne: koroka, Isaak gusu e santek areikore kusu ne na.

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.