Roukos 24:44 - Ashiri Aeuitaknup Iyohaichish Yona 1897

⁴⁴ Orowa, nei utara orota Shinuma ene itak-hi :— Kuani naa echi tura no an rapoketa echi otta Ku ye itak ambe tambe ne ruwe ne, — Mose tuitak otta hene, Uweingarape otta hene, Iyohaiochish otta hene En gusu otai obitta no anuye wa an okaibe auweomare tusu ne ap ruwe ne na, sekoro itak.

Roukos 24:44 ပူးပေါင်းရင်းမြစ်များ

Iyohaichish 118:22

Chisei kara utara emaka shuma anak ne Shikkeu sapane shuma ne akan na.

Mattaios 1:22

Tap ambe an katu anak ne, Okkai eramushkare shiwentep honkoro wa okkai aiai hekature, Reihei anak ne Immanueru sekon reihei ani areikore kusu ne, sekoro Utarapa orowa no uweingara guru aitakte hawehe auweomare kuni gusu an ambe ne ruwe ne;

Mattaios 16:21

Nei i orowa no Yesu anak ne Yerusarem kotan orota oman wa ekashi orowa no hemhem Kamui kora kenru esapane utara orowa no hemhem, kambi-nuye utara orowa no hemhem inne okaibe gusu ramuashitnere, aige, araige hine rere-ko an ita hetopo-a-shiknure kusu ne ari an ambe koro koikara utara otta epakashnu heashi nisa ruwe ne.

Mattaios 26:54

Koroka, nei no Ku ki yakun auweomare kuni gusu an Kamui itak nekon a aiki eashkai ya? ari itak.

Mattaios 26:56

awa, nei ita echi En kishima shomoki. Koroka, tap okaibe hetuku ambe anak ne, Uweingara utara nuye ambe auweomare kuni gusu an ap ne ruwe ne, ari itak. Nei ita anak ne koikara utara obitta Yesu ekohopi wa shaot nisa ruwe ne na.

Markos 9:31

Orowa, Shinuma koikara utara epakashnu wa, ene itak-hi :— Ainu Poho anak ne utara teke otta aekoshi, aige, nei utara Shinuma raige kusu ne; araige okere chiki rereko orowa no hetopo-shiknu kusu ne, ari itak.

Roukos 21:22

Inambe gusu ne yakun, tan toho anak ne chieshinnuye wa obitta no okaibe auweomare kuni ikemnu toho ne ruwe ne gusu ne na.

Roukos 22:37

Inambe gusu ne yakun, echi otta Ku ye :— Tap chieshinnuye wa an orushpe En otta auweomare kusu ne ap :— Orowa, Shinuma anak ne kashpaotte otereke utara tura akoesanniyo nisa ruwe ne na: inambe gusu ne yakun, En gusu an okaibe aokere kusu ne, sekoro itak.

Roukos 24:46

Tap korachi anuye wa an, Kiristo anak ne ayairamshitnere wa rereko an ita rai Orowa no hetopo-shiknu;

Roukos 9:22

Ainu Poho anak ne poron no aeyairamushitnere kusu ne, aige, ekashi utara orowa no hene, Kamui kora kenru esapane utara orowa no hene, kambi-nuye utara orowa no hene aemaka, orowa, araige wa rereko an ita hetopo-a-shiknure kusu ne na, ari itak.

Roukos 9:44

Tan okai itak echi kisara otta ahunge yan: inambe gusu ne yakun, Ainu Poho anak ne utara tekehe otta aekoshi kusu ne gusu ne na.

Yoannes 3:14

Orowa, Mose anak ne nup otta okokko ashi korachi, tap korachi Ainu Poho ne yakka aashi kusu ne;

Yoannes 5:39

Echi utara, anak ne Kamui kambi-sosh uwande ruwe ne, nei ambe gusu ramma okere shomoki inotu echi kon ruwe ne ani echi esanniyo ruwe ne gusu ne na nei ambe anak ne En gusu paweteshu ki ambe ne;

Yoannes 5:46

Inambe gusu ne yakun, echi utara Mose eishokoro chiki En eishokoro kusu ne; shinuma anak ne En gusu nuye nisa ruwe ne gusu ne na.

Apostoro ikip oma kambi 13:33

nei ambe anak tu ikinne no an iyohaiochish otta ka chieshinnuye wa an korachi ne :— Aokai anak ne Ku poho E ne ruwe ne, tanto E hetukure ash na.

Apostoro ikip oma kambi 13:40

Tambe gusu, uweingara oina kambi kata anuye wa an ap ikineipeka echi otta ika ek kuni ne yaitubare yan :—

Apostoro ikip oma kambi 2:27

Inambe gusu ne yakun, Aokai anak ne Hedes oshiketa ku ramat ande shomoki, Shui, e koro Ashkanne Guru iteki munin kuni ne e kara kusu ne gusu ne na.

Apostoro ikip oma kambi 3:18

Koroka, obitta no okai uweingara utara koro paroho ani etoko wano Kamui eupaskuma okaibe, koro Kiristo ayairamshitnere kuni ambe, tambe nei no auweomare nisa ruwe ne.

Apostoro ikip oma kambi 7:37

En korachi, echi koro iriwak utara tumuge wano echi utara gusu Kamui anak ne uweingara guru hetukure kusu ne, ari an itak ani Israeru utara otta ye Mose anak ne tan guru ne ruwe ne.

Hebraios 10:1

Inambe gusu ne yakun, tuitak anak ne okaketa ek kushki pirikap koro kurihi ne wa, nei okaibe son no nokaha shomo ne gusu, nei utara anak ne kespa range ramma ukorachi an ayangep ani karange no araki utara oara eramushinnere eaikap ruwe ne gusu ne na.

Hebraios 3:5

Kamui ne ruwe ne. Orowa, Mose anak ne auitek guru korachi Shinuma kot chisei onnaigeta ikipniukesh ruwe ne, tambe anak okaketa aye kusu ne okaibe gusu paweteshu ambe ne kuni gusu ne na;

Hebraios 7:1

Tan Merukizedek anak ne Sarem esapane guru ne, Iyotta Rikun Kamui otta yaishieiwangere guru ne, awa, shinuma anak ne nei moshiri shikkashima utara ronnu-i orowa no hoshipi korʼan Abraham etunangara wa shinnunuke nisa,

Hebraios 9:8

nei hoshiki no an kash ash wa an rapoketa Ashkanne ushike orun paye kuni ruhu naa shomo asarare an sekorobe Ashkanne Ramat nei ambe ani epakashnu ruwe ne;

I Petros 1:11

etoko wano Kiristo ayairamshitnere ambe hene, okaketa an kusu ne nupeki ambe paweteshu ki ita nekon a paha epeka ruwe he an? nei utara chimchimi nisa ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.