Roukos 24:19 - Ashiri Aeuitaknup Iyohaichish Yona 1897

¹⁹ Orota, Shinuma anak ne, nep orushpe ne ya, ani itak. Orota nei utara ene itak-hi :— Kamui tek samata hemhem, obitta no okai utara tek samata hera hera, itak otta hene, ki okaibe otta hene eashkai uweingara guru ne, Nazaret un Yesu gusu an orushpe ne ruwe ne:

Roukos 24:19 ပူးပေါင်းရင်းမြစ်များ

Mattaios 21:11

Tan guru nen ne ruwe he an? Tan guru anak nei Gariraya un Nazaret kotan wano ek Yesu ne ruwe ne, sekoro inne utara ye nisa ruwe ne.

Markos 1:24

Nazaret un Yesu un otta nep irenga an a? Un isamka gusu E ek a? Aokai nen ne ruwe sekorʼambe ku eramʼan, Kamui Ashkannep E ne ruwe ne, ari itak.

Roukos 24:18

Orowa, Kireopas ani an reihei koro nei shinen anak ne ese wa orota ene itak-hi :— Aokai shinen ne Yerusarem kotan ta okai wa tan toho ta hetuku orushpe erampeutek ya? sekoro itak.

Roukos 7:16

awa, utara obitta ishitoma, aine, Kamui ko-oripak hine ene itak-hi :— Un otta poro uweingara guru hopuni wa an: Kamui anak ne koro utara ko-ingara ruwe ne, sekoro itak.

Yoannes 3:2

shinuma anchikara ta Yesu orota ek wa ene itak-hi :— Rabbi, Kamui orowa no ek epakashnu guru E ne ruwe ne sekoro chi eraman: inambe gusu ne yakun, Kamui ainu tura no an shomoki chiki, E ki tan okai shirosh kara eaikap ruwe ne gusu ne na.

Yoannes 4:19

Orota nei shiwentep ene itakhi :— Nishpa, Aokai anak ne Uweingara guru E ne ruwe ne sekoro ku esanniyo.

Yoannes 6:14

Tambe gusu, Shinuma ki shirosh nei utara nukara chiki ene itak-hi :— Tambe anak ne son no newa moshiri otta ek kusu ne uweingara guru ne ruwe ne, ani itak.

Yoannes 7:52

Orota nei utara ese wa ene itak-hi :— Eani ne yakka Gariraya un guru e ne ya? Hunara wa ingara yan, Gariraya wano uweingara guru hopuni shomoki ruwe ne na, ari itak.

Apostoro ikip oma kambi 10:38

Shinuma anak ne Nazaret un Yesu ne, Kamui anak ne kiroro newa Ashkanne Ramat Shinuma kashiketa ota nisa ruwe ne: orowa, Shinuma pirikap iki wa apkash hine nitne kamui ashikatkare utara iwangere nisa ruwe ne; Kamui Shinuma tura no an ruwe ne gusu ne na.

Apostoro ikip oma kambi 2:22

Israeru un echi utara tap an itak nu wa ikore yan: Echi utara yaikota echi eraman korachi, ari Kamui anak ne echi tumugeta iki ari Kamui sonnere kiroro an ikip newa iyokunnurep newa shiroshi newa kara Nazaret un Yesu anak ne;

Apostoro ikip oma kambi 7:22

Orowa, Mose anak ne Echipt nroshirʼun utara koro wayashnu ambe gusu aepakashnu; aige, itak gusu ne yakka ki ikip gusu ne yakka shinuma kiroroashnu nisa.