Roukos 23:34 - Ashiri Aeuitaknup Iyohaichish Yona 1897

³⁴ Orowa, Yesu ene itak-hi :— Ku Michihi, nei utara honnere wa En kore; hemanda ki shiri eramushkare wa okai ruwe ne gusu ne na, sekoro itak. Orowa, utashpa Shinuma koro mipihi eimek wa ukokonchi etaye nisa ruwe ne.

Roukos 23:34 ပူးပေါင်းရင်းမြစ်များ

Iyohaichish 22:18

Nei utara anak ne utashpa ku mipihi uwe-usaraye, Ku horowashi amip gusu ukokonchi etaye ruwe ne.

Mattaios 11:25

Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

Mattaios 11:26

ruwe ne wa, Michi, tap korachi E ki kuni ambe anak ne e esanniyop ne ruwe ne gusu ne na.

Mattaios 5:44

koroka, echi otta Ku ye, echi epokba utara omap yan, echi keshke utara rengap gusu inonno itak ki yan;

Markos 15:24

Orowa, nei utara anak ne Shinuma utara chikuni otta kungi kokikkik, samata, shinen range inambe uk ya esanniyo kuni ne koro amip gusu ukokonchi etaye wa nei mipihi uko-usaraye nisa ruwe ne.

Roukos 22:42

Michi, Aokai ramuoshma yakun, tan itangi En orowa no oyakta ande wa En kore: koroka, Ku rengaine gusu shomo ne wa E rengaine ki wa en kore, ari itak.

Yoannes 17:9

Nei utara gusu Ku koramkoro: moshiri gusu Ku koramkoro shomoki, koroka, Aokai En kore utara gusu Ku koramkon na;

Yoannes 19:11

Otta Yesu ene ese-hi :— Kik orowa no e koropare shomoki yak anak ne En epeka no mondum e koro shomoki kusu ne ruwe ne: tambe gusu, e otta En ekoshi gurʼanak ne naa poro katpak an, sekoro itak.

Apostoro ikip oma kambi 16:28

Koroka, Pauros anak ne rui hau ani hawe ashte wa ene itak-hi :— Iteki yaiewende yan: chi utara obitta teda okai ruwe ne gusu ne na, ari itak.

Apostoro ikip oma kambi 3:17

Awa, tane iriwak utara, echi esapane utara poka iki korachi, echi utara ne yakka eramushkare no iki kuni ku ramu.

Apostoro ikip oma kambi 7:60

Awa, shinuma kokkaea hine poro hawe ani hawe ashte wa, Utarapa, tan katpak iteki nei utara kashiomare wa en kore, ani ye. Orowa, tap okaibe ye okere chiki shinuma mokonʼnisa ruwe ne.

Roma 12:14

Echi epokba utara nunuke yan; nunuke wa iteki iyoitakushi yan.

I Korintos 2:8

tan moshiri epungine utara obitta erampeutek ruwe ne: inambe gusu ne yakun, nei utara eraman chiki, nupeki koro Utarapa utasa chikuni otta kungi kokikkik shomoki a nangon na:

I Korintos 4:12

samata, uni sak no okai ruwe ne; monraige wa yaikota koro teke ani ikichi; aiyoitakushi chiki, nunuke ash, aepokba chiki, eyaishiporore ash; iyohaigekara chiki,

I Timoteos 1:13

etokota Kamui koatchap ku ne, keshke guru ku ne, shomo yaikatanu ki guru ku ne a yakka: aige, ku eumbipka wa erampeutek no nei no ku iki nisa ruwe ne gusu aerampokiwen wa a en kore an na;

I Petros 3:9

yaieoripakka wa okai yan: wenbe gusu iteki wenbe hekiru, akowenpashuipa gusu iteki kowenpashuipa ambe hekiru, koroka, makangane nunuke yan; inambe gusu ne yakun, nunuke ambe echi eikeshkore kuni gusu echi anishuk nisa ruwe ne gusu ne na.