Roukos 23:13 - Ashiri Aeuitaknup Iyohaichish Yona 1897

¹³ Orowa, Pirato anak ne Kamui kora kenru esapane utara newa utara epungine utara uwekarapare wa orota ene itak-hi :—

Roukos 23:13 ပူးပေါင်းရင်းမြစ်များ

Markos 15:14

Hemanda gusu, nekon a wen buri Shinuma ki ya? ani nei utara otta Pirato ye. Koroka shui nei utara toiko hawe ashte wa, Utasa chikuni otta kungi kokikkik, sekoro itak.

Roukos 23:35

Utara anak ne ingara gusu roshki wa okai. Orowa, esapane utara ne yakka Shinuma koesapse wa ene itak-hi :— Moshima utara Shinuma kashiobiuki nisa ruwe ne; awa, nei guru Kamui koro Kiristo ne, Kamui numgep ne yakun, yaikota yaikashiobiukirero, ani itak.

Roukos 24:20

Kamui kora kenru esapane utara newa chikoro un esapane utara anak ne Shinuma araige kuni guru ne aesanniyo gusu ekoshi wa, utasa chikuni otta kungi kokikkik nisa ruwe ne.

Yoannes 12:42

Yakka, esapane utara tumugeta okai inne utara anak Shinuma eishokon nisa ruwe ne; koroka, uwekarapa chisei orowa no iteki aemaka kuni ne Parisee un utara okai gusu eyaipushi shomoki ruwe ne;

Yoannes 18:38

Orota, sonep anak ne nekon a ambe ne ya? ari Pirato ye nisa ruwe ne. Pirato tap okaibe ye okere chiki, shui soine wa Yudea un utara otta ene itak-hi :— Nei guru otta chikokatpak ku nukara shomoki ruwe ne.

Yoannes 19:4

Aine, shui Pirato soine wa nei utara otta ene itak-hi :— Ingarʼan, nei guru otta katpak ku nukara shomoki ruwe ne shiri echi eramande kuni ne tura wa Ku ek na, ani itak.

Yoannes 3:1

Nikodemos ani aye Parisee un guru an, Yudea un utara esapane guru ne ruwe ne:

Yoannes 7:26

Yakka, Shinuma nuina shomoki no itak ki korʼan, awa, otta nep ne yakka ki shomoki ruwe ne. Tambe anak ne son no newa Kiristo ne sekoro sapane utara eraman eashkaibe ne ruwe?

Yoannes 7:48

Esapane utara hene Parisee un utara hene Shinuma eishokoro ruwe?

Apostoro ikip oma kambi 13:27

Inambe gusu ne yakun, Yerusarem un utara newa koro sapane utara anak ne Shinuma hemhem, Kamui to kesto range aoro-oitak wa an uweingara utara koro hau hemhem, erampeutek wa Shinuma koipishi hine katpakte gusu nei ambe uweomare nisa ruwe ne.

Apostoro ikip oma kambi 3:17

Awa, tane iriwak utara, echi esapane utara poka iki korachi, echi utara ne yakka eramushkare no iki kuni ku ramu.

Apostoro ikip oma kambi 4:5

Orowa, nishatta an chiki, sapane utara newa ekashi utara newa kambi nuye utara tura Yerusarem kotan ta uwekarapa wa okai an;

Apostoro ikip oma kambi 4:8

Tata otta Petros anak ne, Ashkanne Ramat ani aeshik wa nei utara orota ene itak-hi :—