Roukos 21:36 - Ashiri Aeuitaknup Iyohaichish Yona 1897

³⁶ Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Roukos 21:36 ပူးပေါင်းရင်းမြစ်များ

Iyohaichish 1:5

Tambe gusu wen utara anak ne aesanniyo ita hopumha shomoki; Katpak ki utara ka oupeka utara uwekari ta shomo okai ruwe ne kusu ne na.

Mattaios 24:42

Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na.

Mattaios 24:43

Koroka, tambe echi onnere yan: ikka guru inan pakihi pakita ek ya sekoro chisei kon nishpa eraman chiki, shiruwande wa koro chisei iteki aopattekka kuni ne kan nangon na.

Mattaios 24:44

Tambe gusu echi utara ne yakka etokooiki wa okai yan; inambe gusu ne yakun, echi esanniyo shomoki pakihi ta Ainu Poho ek kusu ne.

Mattaios 25:13

echi eramushkare ash na, ari itak. Tambe gusu shiruwande yan; inambe gusu ne yakun, tobo ne yakka pakihi ne yakka echi erampeutek ruwe ne gusu ne na.

Mattaios 26:41

Iteki akoramnukara kuni ne shiruwande wa inonno-itak ki yan: ramat anak ne ki rusuibe ne, koroka kam anak katchakbe ne ruwe ne.

Mattaios 8:20

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

Markos 13:33

Ouse Michi patek eramʼan ruwe ne. Yairamatte wa shiruwande hemhem ki, inonno-itak hemhem ki yan: nei pakihi hembara ta an ya echi erampeutek ruwe ne gusu ne na.

Markos 13:37

Echi otta Ku ye itak obitta no okai utara otta Ku ye :— Shiruwande yan.

Roukos 1:19

onne ruwe ne na. Orota hauturumbe ese wa ene itak-hi :— Kuani Kamui teksamata ash Gabrieru ku ne ruwe ne; orowa, e otta itak wa tap pirika shongo e nure ash gusu e otta a en omande nisa ruwe ne.

Roukos 18:1

Orowa, utara anak ne ramma inonno-itak ki wa iteki ramu-rai kuni gusu shine itak-maukushte-itak ye wa ene itak-hi :—

Roukos 20:35

koroka, nei moshiri hemhem akore, rai orowa no hetopo-ashiknure kuni hemhem aesanniyo utara anak ne matakore shomoki hoku akore shomoki ruwe ne:

Roukos 21:35

inambe gusu ne yakun, moshirʼebitta no okai utara uwesamamba gusu nei ambe anak ne nei no korachi ek kusu ne na.

Apostoro ikip oma kambi 10:2

koro uni un utara ebitta tura Kamui koishitoma guru ne, orowa, poron no okai eungeraitep utara otta kore, samata, ramma Kamui ko-inonno-itak ki ruwe ne.

I Korintos 16:13

Shiruwande yan, eishokor-i atte wa nishuwamne no roshki yan, okkaiyo ramkoro yan, yaitumashnure yan.

II Korintos 4:14

Utarapa ne Yesu hetopo-shiknurep anak ne Yesu tura un hetopo-shiknure poka ki hine echi tura no un yange kushki ambe chi eraman shiriki okai ruwe ne.

Korosai 4:2

Shiyuppa no inonno-itak ki, iyaiiraige koro wa iki hine shiruwande yan;

I Tessaronike 5:17

nep ne yakka gusu yaiiraige ki yan;

II Timoteos 4:5

Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

I Petros 4:7

Koroka, obitta no okaibe aokere-hi anak ne ehange ruwe ne; tambe gusu, keutum yaieashirikara hine yairamatte wa inonno-itak ki yan: orowa, utashpa

I Petros 5:8

Yaishikkashima wa yairamatte yan; echi epokba nitnep anak ne hawe ashte shishi korachi e kuni guru hunara gusu apkash korʼan ruwe ne:

I Yoannes 2:28

Orowa, tane nokan utara, Shinuma oshiketa oshiroma yan; Shinuma anukara chiki, chi utara rametok-koro, orowa, Shinuma ek ita chi utara shomo yainikoroshma kusu ne gusu okai yan.

Youdas 1:24

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

Ekambakbe 11:4

Tap utara anak ne moshiri koro Utarapa kotchaketa roshki wa nei tu kanran chikuni newa nei tu ratchako ne ruwe ne.

Ekambakbe 6:17

inambe gusu ne yakun, nei utara gusu an poro kinrakara toho ek an na, aige, hunna roshki eashkai ruwe he an?

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;

Ekambakbe 8:2

Orosama, Kamui kotchaketa roshki nei arawan hauturumbe ku nukara; awa, nei hauturumbe otta arawan rappa akore nisa ruwe ne.