Roukos 21:19 - Ashiri Aeuitaknup Iyohaichish Yona 1897

¹⁹ Echi yaishiporore wa kon ramat echi koro kusu ne.

Roukos 21:19 ပူးပေါင်းရင်းမြစ်များ

Iyohaichish 37:7

Ehoba gusu mo no okai, ramushiroma no Shinuma etere yan: Kon ru otta eyaiepirikare guru gusu, Wen aesanniyop hetukure guru gusu, iteki keutum yaiseisekka yan.

Iyohaichish 40:1

KU chipachipa wa Ehoba ku ehuye: Awa, Shinuma en orun ikokanu wa ku ashte hawe nu nisa ruwe ne.

Mattaios 10:22

Orowa, echi utara anak ne Ku reihei ankushkeraipo obitta no okai utara orowa no aetunne kusu ne: koroka, okese pakno yaishiporore gurʼanak ne, nei gurʼanak kashiaobiuki kusu ne.

Mattaios 24:13

Koroka, okese pakno yaishiporore gurʼanak ne kashi-a-obiuki kusu ne.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Roma 15:4

Nep ne yakka etoko wano anuye okaibe anak ne obitta un epakashnu gusu chieshinnuye nisa ruwe ne; chi utara anak ne yaiyupupu ambe gusu hemhem, Kamui nuyere itak gusu hetuku omaoma ambe gusu hemhem chipachipa kuni gusu ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 5:3

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere;

Roma 5:4

orowa, yaiyupupu ambe anak ne auwande-hi hetukure; auwande ambe anak ne chipachipa kuni ambe atte ruwe ne sekoro chi eraman: orowa, chipachipa ambe anak ne yainikoroshmare shomoki ruwe ne;

Roma 8:25

Koroka, shomo nukarabe gusu chi utara chipachipa ash yakun yaiyupupu wa nei ambe koro kuni etere ruwe ne.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

II Tessaronike 3:5

Utarapa anak ne Kamui omap-i otta hemhem, Kiristo gusu an yaiyupupu ambe otta hemhem echi koro sambe tura kuni akoramkon na.

Hebraios 10:36

Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

Hebraios 6:11

Orowa, okese pakno echi utara pishno pishno ukorachi an yuptek no aeshik no an chipachipa ambe ki kuni chi kon rusui ruwe ne:

Hebraios 6:15

Aige, tap korachi yaiyupupu wa yaishiporore gusu, shinuma nei aeitakamkirep akore nisa ruwe ne.

Yakob 1:3

chi utara usa okai akoramnukar-i koekari chiki aenupetne gusu an ambe ne sekoro esanniyo yan.

Yakob 1:4

Orowa, echi utara aeramushinne newa ranme no okai wa nep ne yakka otta shomo eikohaye kuni gusu yaiyupupu ambe ara monraigere yan.

II Petros 1:6

orowa, eraman-i otta yaishikkashima ambe iyo; orowa, yaishikkashima ambe otta yaishiporore ambe iyo; orowa, yaishiporore ambe otta Kamui ko-oripak ambe iyo;

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 13:10

Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.

Ekambakbe 14:12

Kamui ikashpaotte newa Yesu gusu an eishokor-i newa shikkashima utara otta, tata otta yaiyupupu ambe an na.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.