Roukos 20:43 - Ashiri Aeuitaknup Iyohaichish Yona 1897

⁴³ Utarapa anak ne ku goro Utarapa otta ene itak-hi :— E epokba utara ani e chikiri aande kunip ne ku kara pakno, Ku shimon tek samata a, ari itak.

Roukos 20:43 ပူးပေါင်းရင်းမြစ်များ

Iyohaichish 110:1

EHOBA anak ne ku goro Utarapa otta ene itak-hi:— E epokba utara ani e chikiri andep ne ku kara pakno, Ku shimon tek-samata a yan, ari itak.

Iyohaichish 72:9

Nup otta oshiroma utara anak ne Shinuma kotchaketa hepokiush kusu ne; Shinuma epokba utara toitoi koponchi kemkem kusu ne na.

Roukos 19:27

Samata, en epokba wa ku esapane kuni kopan utara eteun tura wa en kotchaketa ronnu yan, ari itak.

Roukos 20:44

Tambe gusu, Dabid anak ne Shinuma Utarapa ani ye, hemanda ani koro poho ne ruwe ne ya?