Roukos 20:14 - Ashiri Aeuitaknup Iyohaichish Yona 1897

¹⁴ Koroka, nei toi kara utara shinuma nukara chiki, utashpa upaore wa ene itak-hi :— Tan guru anak ne eikeshkoro gunʼne; nei eikeshkoro kunip chi korobe ne kuni ne raige anro, ari itak.

Roukos 20:14 ပူးပေါင်းရင်းမြစ်များ

Iyohaichish 2:8

En koramkoro yan, yak anak ne moshiri uirup eikeshkore ash kusu ne, Moshiri-pa pakno moshiri-gesh pakno e kore ash na.

Iyohaichish 89:27

Shui, shinuma ari ku kiyanne guru ne kuni ku kara kusu ne, Moshiri shikkasbima utara kasu no ku pasere kusu ne na.

Mattaios 16:7

Aige, nei utara anak ne utashpa uwe-upaure wa ene itak-hi :— Tap ambe anak ne pantak chi oira gusu an itak ne, ari itak.

Mattaios 21:25

Yoannes kore Baptisma nei wano ekbe ne ruwe? Kando orowa no ekbe ne ruwe? Ainu orowa no ekbe ne ruwe he an? Orowa, nei utara utashpa upaure wa ene itak-hi :— Kando orowa no ekbe ne ani chi ye chiki, Nep, gusu echi utara Yoannes eishokoro shomoki ya?

Mattaios 21:34

Orowa, nikaop okai ushi epa ehange ko anak ne nei ambe uina kuni gusu toi kara utara orota koro usshiune utara payere nisa ruwe ne,

Roukos 19:47

Orowa, Shinuma kesto Kamui kora kenru ta epakashnu korʼan nisa ruwe ne. Koroka, Kamui kora kenru esapane utara hemhem, kambi-nuye utara hemhem, utara koro pase utara hemhem,

Roukos 20:13

Orowa, nei hat toi kon nishpa ene itak-hi :— Nekon a ku ki ya? Ku omap an poho ku omande kusu ne; nei utara shinuma ko-oripak kusu ne nangoro, ari itak.

Roukos 20:15

Orowa, hat toi wano shinuma eyomak hine raige nisa ruwe ne. Tambe gusu, hat toi kon nishpa nei utara otta nekon a iki nangora?

Roukos 20:19

Orowa, nei i epakigeta anak ne kambi-nuye utara newa Kamui kora kenru esapane utara Shinuma kishima kuni hunara ruwe ne: awa; okai utara ko-ishitoma; orowa, yaikota epeka no Shinuma nei itak-maukushte-itak ye nisa ruwe ne, sekoro, nei utara ramepakari nisa ruwe ne gusu ne na.

Roukos 20:5

Orowa, nei utara utashpa uwe-esanniyo wa ene itak-hi :— Kando orowa no ekbe ne ani chi ye ko anak ne, yakun, nep gusu echi utara shinuma eishokoro shomoki ya? ani Shinuma itak mangoro.

Roukos 22:2

Aige, Kamui kora kenru esapane utara hemhem, kambi-nuye utara hemhem hemanda Shinuma raige ika hunara wa okai; awa, utara koishitoma nisa ruwe ne.

Apostoro ikip oma kambi 2:23

Shinuma, Kamui etoko wano an eraman irenga newa aesanniyo esanniyop an gusu aekoshi okere chiki, echi utara anak ne ikashpaotte otereke utara koro teke ani, utasa chikuni otta kungi kokikkik

Apostoro ikip oma kambi 3:15

Kamui anak ne rai orowa no Shinuma hetopo-shiknure, aine, chi utara anak ne Shinuma gusu an paweteshu ki utara chi ne ruwe ne.

Roma 8:17

eikeshkoro kuni utara ne; Kamui eikeshkoro utara ne, Kiristo tura eikeshkoro kuni utara ne ruwe ne; chi utara Shinuma tura yairamshitnere yakne Shinuma tura anupekte kusu ne ruwe ne.

Hebraios 1:2

tan okese an toho ta obitta no okaibe eikeshkore kuni gusu atte, ani moshirʼebitta ne yakka kara poho teshkara wa un orota itak sange nisa ruwe ne;