Roukos 2:37 - Ashiri Aeuitaknup Iyohaichish Yona 1897

³⁷ orowa, ine pa ikashima ine hotne pa pakno shiyompiyara ne ruwe ne), nei shiwentep inonno-itak newa shomo ramnu kip ani Kamui otta yaishieiwangere wa kunne-to ta hene tokap-to ta hene Kamui kora kenru orowa no oman shomoki nisa ruwe ne.

Roukos 2:37 ပူးပေါင်းရင်းမြစ်များ

Iyohaichish 22:2

Aa ku goro Kamui, kuani tokap-to ta hawe ku ashte, koroka, Aokai shomo ese itak ki nisa; Kunne-to ta hawe ku ashte wa yaimore shomoki nisa ruwe ne na.

Iyohaichish 23:6

Son no un, pirikap newa ramuhaugep kane moshiri ku ko-hoppa pakno uweman no en kashirari araki kusu ne: Orowa, hembara pakno ne yakka Ehoba koro chisei ta ku oshiroma kusu ne na.

Iyohaichish 27:4

Ehoba otta ku koramkorope shinep an, nei ambe ku hunara kusu ne; Kuani rai pakno Ehoba kora kenru ta ku oshiroma wa, Shinuma koro aekiroro ambe ku nukara, wa kora kenru ta uwepekennu ku ki kuni ambe ne.

Iyohaichish 84:10

Shine toho uturu E kot chisei ta an i anak ne wan hotne to kasu no pirika ruwe ne. Wen-buri an kash otta oshiroma kasu no Ku goro Kamui kot chisei apa pungine a-i ku konoburu ruwe ne.

Iyohaichish 84:4

E kot chisei ta oshiroma utara anak ne anunuke ne: Ramne to nei utara anak ne E koiramye na. [Sera.]

Iyohaichish 92:13

Ehoba kot chisei ta aetoita utara anak ne Kamui koro tumbu ta shipiraspa kusu ne.

Roukos 5:33

Orota nei utara ene itak-hi :— Yoannes koro koikara utara anak ne kanna-kanna shomo ramnu hene ki, inonno itak hene ki ruwe ne; Parisee un utara koro koikara utara ne yakka nei no ki ruwe ne; koroka, E koro koikara utara anak ibe hemhem ki iku hemhem ki wa okai ruwe ne.

Apostoro ikip oma kambi 13:3

Tata otta nei utara shomo ramnu hene ki, inonno-itak hene ki, kata koro teke ande ki hene okere chiki payere nisa ruwe ne.

Apostoro ikip oma kambi 14:23

Orowa, obitta no okai karisia oshiketa nei utara gusu ekashi atek-numgere hene ki, shomo ramnu ti wa inonno-itak ki okere chiki, gusu eishokoro Utarapa orun iko-ande nisa ruwe ne.

Apostoro ikip oma kambi 26:7

Orowa, aa Moshiri shikkashima nishpa, tap chipachipa ambe gusu Yudea un utara orowa no a en eiyonnuppa ruwe ne.

I Timoteos 5:5

Koroka, son no newa shiyompiyara ne hine shinen ne po an shiwentep anak ne Kamui echipachipa, aige, kunne to ta ne yakka tokap to ta ne yakka ramma-kane Kamui koramkoro hemhem ki inonno-itak hemhem ki ruwe ne.

Ekambakbe 3:12

Kuani anak ne, Ku goro Kamui ashkanne kenru onnaigeta, annokara iki guru ani ikushpe ne kara, aige, shinuma naa nei ushike wano shomo esoine arapa kusu ne: orowa, shinuma kata Ku goro Kamui kon reihei hemhem, Ku goro Kamui wano kando onnaige orowa no ran rok Ku goro Kamui koro machiya reihei hemhem, yaikota Ku korope ashiri reihei hemhem Ku nuye kusu ne na.

Ekambakbe 7:15

Tambe gusu nei utara anak ne Kamui amset kotchaketa okai; aige, Shinuma kora kenru ta okai hine tokap-to ta ne yakka kunne-to ta ne yakka Shinuma otta yaishieiwangere ruwe ne: orowa, nei amset kata rokbe anak ne nei utara kashiketa koro kash pirasa kusu ne na.