Roukos 19:42 - Ashiri Aeuitaknup Iyohaichish Yona 1897

⁴² Eani ka, eani, tan toho ta e gusu an itomo irenga e eramʼan yakun humi! Koroka, tane e shiki otta anuina ruwe ne.

Roukos 19:42 ပူးပေါင်းရင်းမြစ်များ

Hebraios 3:15

ene itak-hi, Tanto shinuma koro hau echi nu kusu ne yak ne, Koro kinrakara sambe asangere i nei no, iteki echi keutum nishtere yan.

Apostoro ikip oma kambi 10:36

Yesu Kiristo gusu itomo an pirika shongo aeupaskuma Israeru un utara otta omande itat (Shinuma anak obitta no okaibe koro Utarapa ne) —

Hebraios 3:13

tanto ari aporosep an rapoke pakno, kesto utashpa uwe-onishnishi yan; ikineipeka nenka echi tumugeta an guru anak ne chikokatpak kokandama ambe gusu anishtere kushki na:

Roukos 19:44

samata, eani newa otta okai poho utara newa shiri pakno hokushte kusu ne toho eani gusu ek kusu ne; nei utara shine shuma ne yakta shuma ukata moshima no ande shomoki kusu ne; eani anak ne ahotanukara paki i erampeutek nisa ruwe ne gusu ne na, sekoro itak.

Apostoro ikip oma kambi 13:46

Orowa, Pauros newa Barnabas anak ne rametokkon no ye wa ene itak-hi :— Iyotta hoshiki no Kamui itak echi orun anure kuni ambe anak aki kunip ne. Aige, echi utara anak ne nei ambe emaka wa otusashuishiri pakno an inotu uk kuni utara shomo echi ne sekoro esanniyo gusu, ingarʼan, Oya uirup orun chi paye ash na.

Hebraios 3:7

Tambe gusu, Ashkanne Ramat ye-hi korachi poka :— Tanto Shinuma koro hau echi nu kusu ne yak ne, Nei nup ta koramnukara an toho nei no,

Iyohaichish 81:13

Aa ku goro utara En orun ikokanu humi! Aa Israeru un utara ku ruhu otta apkash humi!

Iyohaichish 32:6

Tambe gusu Aokai apa eashkai rapoketa Kamui ko-oripak utara pishno E orun inonno-itak kiro: Son no un, poro wakka ika ita anak ne nei guru pakno epa shomoki kusu ne.

Roukos 19:41

Orowa, shinuma ehange no ek wa nei machiya nukara chiki, gusu chish hine ene itak-hi :—

Roukos 19:43

E epokba utara anak ne e okari no sakma roshki hine neita ne yakka iteki e soine kuni ne e nikkotama kusu ne,