Roukos 18:43 - Ashiri Aeuitaknup Iyohaichish Yona 1897

⁴³ Orowa, nani nei guru ingara wa Kamui ko-oripak hine Shinuma osh oman: obitta no okai utara anak ne nei ambe nukara chiki Kamui ko-iramye nisa ruwe ne na.

Roukos 18:43 ပူးပေါင်းရင်းမြစ်များ

Iyohaichish 107:15

Aa, nei pirikap gusu hemhem, Utara koro poho otta aki iyokunnure ikip gusu ainu utara Ehoba koiramye yak humi!

Iyohaichish 107:8

Aa, nei pirikap gusu hemhem, Utara koro poho otta aki iyokunnure ikip gusu hemhem ainu utara Ehoba koiramye yak humi!

Iyohaichish 146:8

Ehoba anak ne shiknak utara koro shiki maka; Ehoba anak ne hotku utara hopunire; Ehoba anak ne oupeka utara omap ruwe ne;

Iyohaichish 30:2

Aa ku goro Ehoba Kamui, E orun ku konishuk nisa, awa, Aokai en iwangere nisa ruwe ne na.

Mattaios 11:5

shiknak utara aingare, hera utara aapkashte, munin tashum ki utara aashkannere, ashpa utara ainure, rai utara hetopo-ashiknure, orowa, pirika shongo anak ne irapokkari utara otta anure ruwe ne.

Mattaios 21:14

Orowa, shik-nak utara newa hera utara anak ne Kamui kora kenru ta an Shinuma orun ahup nisa ruwe ne; aige, Shinuma nei utara iwangere nisa ruwe ne.

Mattaios 9:8

Koroka, inne utara tap ambe nukara chiki ishitoma shiriki, orowa, tap korachi an mondum ainu otta koropare Kamui ko-oripak nisa ruwe ne na.

Roukos 13:17

Orowa, Shinuma tan itak ye chiki Shinuma epokba utara obitta ayainikoroshmare nisa ruwe ne: orowa, inne utara obitta Shinuma ki arakuru an okaibe eyaikopuntek nisa ruwe ne na.

Roukos 19:37

Orowa, karange no ek wa Kanran-ush nupuri ran orogeta an ita, obitta no okai inne topaha un koikara utara anak ne nukara okere obitta no okai kiroro an ikip gusu yaikopuntek hine rui hau ani Kamui iramye heashi wa ene itak-hi :— Utarapa reihei ankushkerai ek Moshiri shikkashima gurʼanak ne anunuke ne:

Roukos 4:39

Awa Shinuma nei shiwentep samaketa ash wa seisek mau tashum ko-sakayokara, aige, tashum shinuma hoppa; orowa, nei guru nani hopuni wa utara orota yaishieiwangere nisa ruwe ne na.

Roukos 5:26

Orowa no, nei utara obitta shi no enushkari wa Kamui ko-oripak ruwe ne; samata, earikinne ishitoma hine :— Tanto aehomatup chi nukan nisa ruwe ne na, ari itak.

Roukos 9:43

Orowa, utara obitta Kamui poro pase ambe eiyokunnure ruwe ne. Koroka, utara obitta Shinuma ki ikip enushkari wa okai ita, koro koikara utara otta Shinuma ene itak-hi :—

Apostoro ikip oma kambi 11:18

Tap okai orushpe nei utara nu chiki, mo no okai wa Kamui iramye hine ene itakhi :— Yakun, oya uirup otta ne yakka ashiknure kuni yaikokatpak ambe Kamui koropare nisa ruwe ne na, ari itak.

Apostoro ikip oma kambi 26:18

aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak.

Apostoro ikip oma kambi 4:21

Orowa, nei utara anak, naa pakashnu chiki, honnere nisa ruwe ne; utara okai gusu panakte kuni ika pa eaikap ruwe ne gusu ne na; inambe gusu ne yakun, nei akara orusbpe gusu obitta no okai utara Kamui ramye wa okai nisa ruwe ne gusu ne na.

Garatea 1:24

sekorʼan assuru nu nisa ruwe ne; aige, en gusu nei utara Kamui ramye nisa ruwe tapan na.

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne: