Roukos 16:2 - Ashiri Aeuitaknup Iyohaichish Yona 1897

² Tata otta shinuma nei guru hotuyekara wa otta ene itak-hi :— Eani gusu an ku nu orushpe nekon a ambe ne ya? Chisei epungine gusu okai e esanniyop en nure yan, tewa no eani ku kot chisei aepunginere eaikap ruwe ne gusu ne na, ani itak.

Roukos 16:2 ပူးပေါင်းရင်းမြစ်များ

Mattaios 12:36

Orowa, echi otta Ku ye, nep ikkewe sak no an itak ani ye yakka, akoipishi toho ta nei ambe gusu aesanniyo kusu ne.

Mattaios 20:8

Orowa, onuman an koro hat toi kon nishpa anak ne korobe epunginere ainu otta ene itak-hi :— Monraige utara hotuyekara wa, iyoshi no anishuk utara orowa no hoshiki anishuk utara pakno pumma kore yan, ari itak.

Roukos 12:20

Koroka, nei guru otta Kamui ene itak-hi :— Haita guru, tan ukuran e kon ramat auk kusu ne; orowa, eani etokooiki okaibe, hunna korobe ne kusu ne ya? ani itak.

Roukos 12:42

Orowa, Utarapa ene itak-hi :— Pakihi epa ita utara otta uina kuni aep kore gusu kon nishpa anak ne koro chisei esapanere ikipniukesh wa wayashnu guru nen ne ruwe he an?

Roukos 16:1

Orowa, koro koikara utara otta Shinuma ene itak-hi :— Shine oteknu guru an, aige, otta chisei epunginere gusu an uitek guru an; awa, nei uitek guru anak ne kon nishpa korobe koatcha korʼan ani an ambe ani nishpa otta aeiyonnupba nisa ruwe ne na.

Roukos 16:3

Orowa, nei guru anak ne koro keutum ta ene itak-hi :— Nekon a ku ki kusu ne ya? Ku kon nishpa en emaka ruwe ne gusu ne na. Toi ku ta kuni ku turasak ruwe ne; orowa, ku iyahup gusu ku yainikoroshma ruwe ne.

Roma 14:12

Tambe gusu chi utara pishno yaikota gusu an orushpe Kamui orun ye kusu ne na.

I Korintos 1:11

Inambe gusu ne yakun, ku iriwak utara, echi tumugeta upaore an sekoro Kroe chisei un utara orowa no echi utara gusu a en eramande an na.

I Korintos 4:2

Teda anak okaibe ashikkashimare guru anak ne ikipniukeshbe ne sekoro anukara kunip ne ruwe ne na.

I Korintos 4:5

Tambe gusu, ipishi ki kuni pakihi etokota, Utarapa ek pakno, iteki koipishi yan, Shinuma ka kunne-i ta anuina wa an okaibe sarare ka ki, samata, keutum oshiketa an yainu-i anukare kusu ne; nei ita anak ne ainu pishno Kamui orowa no ramuaye kusu ne na.

II Korintos 5:10

Inambe gusu ne yakun, chi utara anak ne netobake ani chi kichi okaibe gusu, pirikap hene wenbe hene, nei okaibe gusu a un koropare kunip uina kuni ne, pishno pishno Kiristo koro koipishi gusu an amset kotchaketa anukara kusu ne gusu ne na.

I Timoteos 4:14

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

I Timoteos 5:24

Sereke okai utara koro chikokatpak anak ne etoko wano aeramanbe ne, aige, aesanniyo kuni ne hoshiki no arapa; orowa, sereke okai utara korobe gusu anak, nei ambe iyoshi no arapa ruwe ne.

I Petros 4:10

uweutashpa ikateonrare yan: echi utara pishno pishno aikrap akore an nei no, Kamui inne no okai irenga gusu pirika no okai ashikkashimare utara korachi,

I Petros 4:5

nei utara anak ne shiknu guru kene rai guru kene koipiski gusu skipini wa an Kamui otta yaieoruskpe nu yara kusu ne na.

Ekambakbe 20:12

Orowa, nei amset kotpokita porobe rai utara ne yakka ponbe rai utara ne yakka roshki shiriki-hi ku nukan nisa; orowa, nei kambi-sosh apirasa: shui moshima an kambi-sosh ne yakka apirasa ruwe ne, nei ambe anak inotu oma kambi-sosh ne ruwe ne na: orowa, rai utara anak ne nei kambi-sosh kata chieshinnuye wa an korachi, ki ikip an nei no, akoipishi nisa ruwe ne.