Roukos 15:6 - Ashiri Aeuitaknup Iyohaichish Yona 1897

⁶ Orowa, uni un ek koro, nimaraha newa aun utara uwekarire wa orota ene itak-hi :— En tura no yaikopuntek wa en kore, aturainu ku hitsuji chikoikip apa nisa ruwe ne gusu ne na, sekoro itak.

Roukos 15:6 ပူးပေါင်းရင်းမြစ်များ

Iyohaichish 119:176

Bu turainu hitsuji nei no kuani ru turainu nisa ruwe ne; E koro uitek guru hunara wa en kore; E koro ipawetenge shomo ku oira ruwe ne gusu ne na.

Roukos 1:58

Orowa, shinuma otta Utarapa anak ne rampoken porore ruwe ne sekoro koro apaha utara newa aun utara nu, awa, tura no ukonupetne nisa ruwe ne.

Roukos 15:10

Tap korachi echi otta Ku ye, chikokatpak an shine guru yaikokatpak chiki Kamui uitekbe kotchaketa nupetne ambe an ruwe ne na.

Roukos 15:24

orowa, chi ibe ash wa nuchattek anro: inambe gusu ne yakun, tan ku po anak ne rai wa isam, awa, kanna shiknu wa an: aturainu wa an, awa, kanna apa nisa ruwe ne gusu ne na. Orowa, nei utara yainuchattek heashi ruwe ne.

Roukos 15:5

Orowa, apa chiki yaikopuntek wa yaikota koro tapsutu kata ani ruwe ne.

Roukos 15:7

Echi otta Ku ye, tap korachi yaikokatpak kuni shomoki shinepesan ikashima wan e ashikne hotne oupeka utara gusu kasu no, shine chikokatpak guru yaikokatpak gusu an nupetne ambe anak ne kando oshiketa naa an ruwe ne na.

Yoannes 15:14

Echi utara anak ne Ku ki ikashpaotte nei no ki yakun, Ku katairotki utara echi ne ruwe ne.

Yoannes 3:29

Tane machi ne kusu ne shiwentep koro ainu auak mat-ahupkara guru ne; koroka mat-ahupkara guru koro ikatairotke utara okai wa nei mat-ahupkara guru hawe nu gusu shi no yaikopuntek ruwe ne: tambe gusu, ku yaikopuntek ambe anak ne auweomare no an ruwe ne.

Apostoro ikip oma kambi 11:23

aige, shinuma ek wa Kamui irenga nukara chiki nupetne nisa ruwe ne; orowa, nei utara obitta keutum yupu hine Utarapa otta ko-okai kuni ne onishnishi nisa ruwe ne;

Apostoro ikip oma kambi 15:3

Tambe gusu, nei utara anak ne karisia un utara ankushkerai apayere koro, Poinekia newa Samaria kotan ta Oya uirup hosari ambe ye: orowa, obitta no okai iriwak utara nupetnere nisa ruwe ne na.

Piripoi 1:4

ramma echi eshkarun wa ku goro Kamui otta yaiiraige ku ki;

Piripoi 2:17

Ruwe un, echi koro eishokor-i gusu an ayangep newa yaishieiwangere ambe gusu a en enomi chiki, ku nupetne, obitta no okai echi utara tura ramu-ritetke ruwe ne:

Piripoi 4:1

Tambe gusu, aomap an, aeyaikatekara an, ku nupetne arabe, ku sapa-umbe ne iriwak utara, tap korachi akoro omap an utara Utarapa otta roshki yan.

I Tessaronike 2:19

Gusu aechipachipa arabe hene, aenupetnep ne hene, aeyaiomonnure sapaumbe hene nekon a arabe ne ruwe he an? Ek kushki chikoro Utarapa ne Yesu kotchaketa echi utara shomo ne arabe ne ruwe he an?

I Petros 2:10

etokota anak ne uirup utara shomo echi ne, koroka, tane anak Kamui utara echi ne ruwe ne: etokota anak erampokiwen wa akore shomoki, koroka, tane aerampokiwen wa okai na.

I Petros 2:25

Hitsuji chikoikip korachi echi ru turainu shiriki wa okai, awa, tane echi kon ramat anak ne koro shiure guru ne echi epungine guru otta hoshipi wa an ruwe ne na.