Roukos 15:21 - Ashiri Aeuitaknup Iyohaichish Yona 1897

²¹ Orowa, poho anak ne shinuma orun ene itak-hi :— Michi, kuani Kamui epeka no hemhem, e tek samata hemhem katpak ku ki: tane e poho ari aye kuni ku upak shomo ne ruwe ne.

Roukos 15:21 ပူးပေါင်းရင်းမြစ်များ

Iyohaichish 143:2

Orowa, E tek-samata katpak isam no an shiknu guru isam ruwe ne; Tambe gusu, iteki E uitek guru esanniyo wa en kore.

Iyohaichish 51:4

Aokai epeka no, ouse Aokai epeka no katpak ku ki nisa, Orowa, E shik-samata wenbe ku ki nisa: Aokai anak ne itak ye ita oupeka no aesanniyo kuni gusu, Aokai koipishi ita turu-sak no an kuni gusu an ruwe ne gusu ne na.

Roukos 15:20

Orowa, shinuma hopuni wa koro michi orun ek nisa ruwe ne. Korota, naa ehangeko no an ita, koro michi anak ne shinuma nukara, aige, erampoken kashpa hine hoyupu wa rekuchi ruiruye wa chopchopse-kara ruwe ne.

Roukos 15:22

Koroka, michi anak ne usshiune utara orun ene itak-hi :— Tunashi no iyotta pirika amip koro wa ek wa shinuma mire; tek-un-gani teke otta unu, orowa, kema otta keire ushte yan:

Roma 2:4

Shui, Kamui koro pirika irenga e yaikokatpakte kunip ne sekoro e erampeutek wa, Shinuma koro pirika irenga oma aeoteknu ambe newa yaishikkashima ambe newa ramushiporore ambe newa e etunne ruwe he an?

I Korintos 8:12

Orowa, tambe nei no iriwak ne utara epeka katpak echi ki wa katchak wa an rapoketa nei utara koro keutum echi piriore gusu Kiristo epeka katpak echi ki ruwe ne.