Roukos 15:18 - Ashiri Aeuitaknup Iyohaichish Yona 1897

¹⁸ Kuani ku hopuni wa ku michi orun ku arapa, aine, ene itak ku ki-hi :— Ku michi, kuani anak ne Kamui epeka no hemhem, e tek samata hemhem,

Roukos 15:18 ပူးပေါင်းရင်းမြစ်များ

Iyohaichish 25:11

Aa Ehoba, E kon reihei irenga gusu ku wen-buri tusare wa en kore, Nei ambe porobe ne ruwe ne gusu ne na.

Jona 2:4

Orowa, kuani ene ku ye-hi:— E shik kotchake wano a-en-emaka na; Yakka, E koro ashkanne chisei orun shui ku ingara kusu ne.

Jona 3:9

Chi okai utara iteki aisamka kuni ne Kamui keutum kiru wa koro niwen irushka-i orowa no ekohopi ya shomo ya eramu an guru nen ne ruwe ta an? sekoro itak.

Mattaios 3:6

Yoannes orota paye, orowa koro wen-buri eyaipushi wa Yorodan pet otta baptisma akore nisa ruwe ne.

Mattaios 6:14

Inambe gusu ne yakun, moshima guru koro katpak echi tusare yakun, kando otta an echi koro michi ne yakka echi tusare kusu ne.

Mattaios 6:9

Tambe gusu, tap korachi inonno-itak ki yan: Kando otta an chikoro Michi, E kon reihei orota aeoripak kuni ne ki wa un kore.

Mattaios 7:11

Wen buri koro echi utara ne yakka pirika eikrap koro poho otta koropare katu aramu yakun, kasu no kando otta an echi koro michihi anak ne koramkoro guru otta pirikap shomo koropare ruwe he an?

Roukos 11:2

Nei utara orota Shinuma ene itak-hi :— Echi utara inonno-itak ki ita ene korachi ye :— Michi, E reihei orota aeoripak kuni ne ki wa un kore.

Roukos 15:17

Koroka, shinuma yainukara wa ene itak-hi :— Ku goro michi hempak niu ne uitek utara koro wa nei utara kironnu pakno aep koro wa ikashima wa an, awa, kuani teda ku an wa rai etokooiki na!

Roukos 15:19

katpak ku ki, awa, e poho ari aye kuni ku upak shomo ne: e uitek guru nei no en kara wa en kore, ani ku itak kusu ne na.

Roukos 15:21

Orowa, poho anak ne shinuma orun ene itak-hi :— Michi, kuani Kamui epeka no hemhem, e tek samata hemhem katpak ku ki: tane e poho ari aye kuni ku upak shomo ne ruwe ne.

Roukos 18:13

Koroka, nei yaku-etaye guru anak ehangeko no an wa ash hine kando orun ka koro shikihi hepuni poka shomoki, koroka, koro penram shirikik wa ene itak-hi :— Kamui, chikokatpak guru ku ne gusu imommuye kara wa en kore, ani itak.