Roukos 14:3 - Ashiri Aeuitaknup Iyohaichish Yona 1897

³ Orowa, Yesu ese wa kashpaotte pita utara newa Parisee un utara otta ene itak-hi :— Shini toho ta iwangere ki-i anak ne kashpaotte nei no an ambe ne ya? shomo ne ya? sekoro itak.

Roukos 14:3 ပူးပေါင်းရင်းမြစ်များ

Mattaios 12:10

awa, ingarʼan, oatteke shipeshte shine ainu an. Orowa, eiyonnuppa ika hunara rusui gusu utara uwepekennu wa otta ene itak-hi :— Shini toho ta iwangere ambe anak ikashpaotte an i korachi ne ruwe he an? ari itak ruwe ne.

Mattaios 12:2

mungi upush tuiba wa ibe heashi koroka Parisee un utara tap ambe nukara chiki Shinuma otta ene itak-hi :— Ingarʼan, E koro koikara utara anak ne shini tobo ta aki yak ne chikokatpak nep ki koro okai ruwe ne, ani itak.

Mattaios 22:35

Awa, Kamui tuitak pita guru shinen Shinuma koramnukara hine uwepekennu wa ene itak-hi :—

Markos 3:4

Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an?

Roukos 14:2

Aige, ingarʼan, Shinuma kotchaketa suiki tashum ki shine ainu an.

Roukos 14:4

Koroka, nei utara mo no okai nisa ruwe ne. Orowa, Shinuma nei guru uk, aige, iwangere wa omande ruwe ne.

Roukos 6:9

Orowa no, shinuma hopuni wa ash ruwe ne. Utara orota Yesu ene itak-hi :— Orushpe Ku nu; — Shini toho ta pirikap ki hene, wenbe ki hene, ramat shiknure hene, ramat raige hene, inambe kara katu ikashpaotte uweomarepe ne ya?

Yoannes 7:23

Mose tuitak shomo ehaita kuni gusu Shini toho ta ainu anak ne okarituye buri akire chiki; Kuani anak ne Shini toho ta ainu irammakaka tumashnure nisa ruwe ne gusu, echi En ko-irushka ya?