Roukos 14:15 - Ashiri Aeuitaknup Iyohaichish Yona 1897

¹⁵ Orowa no, ibe gusu tura no rok utara un shine ainu anak ne tap okaibe nu chiki, Shinuma orota ene itak-hi :— Kamui moshiri ta aep ibe kusu ne guru anak anunuke ne ruwe ne.

Roukos 14:15 ပူးပေါင်းရင်းမြစ်များ

Mattaios 25:10

Orowa, nei utara shum hok gusu paye wa isam rapoketa, mat-ahupkara guru shirepa nisa ruwe ne; aige, iyetokooiki wa okai utara anak ne nei shuke iwai gusu mat-ahupkara guru tura ahup ruwe ne: orowa, apaushta aashi nisa ruwe ne.

Mattaios 8:11

Orowa echi otta Ku ye, chupka wano hene chuppok wano hene inne utara araki wa Abraham hemhem Isaak hemhem Yakob hemhem tura shine ikinne Kando moshirʼotta rok ruwe ne;

Roukos 12:37

Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Roukos 13:29

Orowa no, utara anak ne chupka wano hemhem, chuppok wano hemhem, arutoro wano hemhem, pikata wano hemhem araki wa Kamui moshirʼotta rok kusu ne na.

Roukos 22:16

inambe gusu ne yakun, echi otta Ku ye, Kamui moshirʼotta auweomare pakno shomo nei ambe Ku ibe kusu ne na.

Roukos 22:30

echi utara Ku goro moshiri otta an set otta ibe hemhem ki, iku hemhem ki kuni gusu ne; orowa, echi utara anak ne araset kata echi rok wa Israeru un tu ikiri ikashima wan ikiri no an utara koipishi kusu ne na.

Ekambakbe 19:9

Orowa, shinuma en orun ene itak-hi :— Nei a Pon-hitsuji mat-akore gusu an iwai otta iyahupte utara anak ne shinnunuke ne, ari nuye yan, sekoro itak. Orowa en orota ene itak-hi :— Tap itak anak ne Kamui sonep ne an itak ne ruwe ne.