Roukos 12:37 - Ashiri Aeuitaknup Iyohaichish Yona 1897

³⁷ Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Roukos 12:37 ပူးပေါင်းရင်းမြစ်များ

Mattaios 24:42

Tambe gusu shiruwande yan: echi koro Utarapa inan toho ta ek ya echi erampeutek ruwe ne gusu ne na.

Roukos 12:36

orowa, echi utara anak ne shuke iwai orowa no hoshipi kon nishpa untere, aige, shinuma ek wa apa kokik chiki nani orota sarare kuni okai utara korachi okai yan.

Roukos 12:43

Kon nishpa ek wa nei no ki wa anukara wa an uitek guru anak ne anunuke ne ruwe ne.

Roukos 17:8

koroka, shomo nei no ki wa shinuma otta ene itak-hi :— Ku ibe kuni aep etokooiki yan, orowa no kut koro wa ku ibe hemhem ki, iku hemhem ki eramushinne pakno en otta yaishieiwangere yan: orowa, okaketa eani ne yakka ibe hemhem ki, iku hemhem ki kusu ne, ani an itak ani shinuma otta ye shomoki ya?

Roukos 21:36

Echi utara anak ne araki kusu ne tap obitta no an okaibe ohaita eashkai hine Ainu Poho kotchaketa roshki kuni ne, inan pakihi ta ne yakka shiruwe wa inonno-itak ki yan.

Roukos 22:27

Inan guru iyotta pase guru ne ya? ibe gusu rok guru bene ne ya? otta yaishieiwangere guru hene ne ya? Ibe gusu rok guru iyotta pase shomo ne ya? Koroka, Kuani anak ne echi tumugeta an wa yaishieiwangere guru korachi Ku ne ruwe ne.

Yoannes 12:26

Nen ne yakka En gusu yaishieiwangere kuni ramu guru an yakun, En osh araki yan; Ku an ushiketa Ku goro uitek guru ne yakka nei ita an kusu ne; nen ne yakka En gusu yaishieiwangere guru an chiki, Ku Michi anak ne shinuma kooripak kusu ne na.

I Korintos 2:9

koroka, chieshinnuye wa an korachi, Shikihi shomo nukara, kisaraha shomo nu, Ainu keutum ta shomo ahunbe anak, I-omap utara gusu nep ne yakka Kamui etokooiki okaibe ne.

Piripoi 1:21

Kuani gusu shiknu ambe anak ne Kiristo ne, rai ambe anak ne yaiepirikare ambe ne ruwe ne gusu ne na.

Piripoi 1:23

Koroka, tan tup gusu ku utumashire ruwe ne, ku oman wa Kiristo tura no ku an rusui; tambe anak kasu no pirika ruwe ne:

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

Ekambakbe 14:13

Orowa, kando orowa no an ene itak hawe ku inu :— Nuye yan, tewa no Utarapa oshiketa ekot wa rai an utara anak ne shinnunuke ne: ruwe un, ari Ramat itak, nei utara anak koro monraige-i otta eshini kuni gusu ne na; koro iki ikip nei utara oshi arapa ruwe ne gusu ne na.

Ekambakbe 16:15

(Ingarʼan, ikka guru koracki Ku ek na. Ika atusa no apkash hine utara nei atusa ambe nukara kuni ne, shiure wa koro mipihi shikkashima gurʼanak ne shinnunuke an ruwe ne).

Ekambakbe 3:21

Annokara iki guru anak ne en tura no Ku amset kata rok kuni Ku kore kusu ne, Kuani ne yakka annokara iki wa Ku goro Michi tura no Shinuma koro amset kata Ku rok korachi ruwe ne.

Ekambakbe 7:17

inambe gusu ne yakun, nei amset oshiketa an Pon-hitsuji anak ne nei utara epungine kusu ne, aige, inotu oma wakka purupuruge-i tura wa ani kusu ne: orowa Kamui anak ne obitta no okai nupe nei utara koro shiki wano piruba wa isamka kusu ne na.