Roukos 12:18 - Ashiri Aeuitaknup Iyohaichish Yona 1897

¹⁸ Orowa, tambe ku kara kusu ne, ani itak: Ku puhu ku hokushte wa kasu no porobe ku kara; orowa, nei oshiketa ku goro amam newa ku korobe obitta ku eumashnu kusu ne na.

Roukos 12:18 ပူးပေါင်းရင်းမြစ်များ

Iyohaichish 17:14

Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne.

Mattaios 6:26

Rik peka oman chikap ingara yan, nei okaibe toita shomoki, nanke ka shomoki, pu otta eumashnu ka shomoki, yakka kando otta an echi koro Michihi anak ne nei okaibe ibere ruwe ne. Echi utara nei chikap akkari pase ambe shomo ne ruwe he an?

Roukos 12:17

awa, nei ainu keutum ta yaikoshiramse wa ene itak-hi :— Nekon a ku ki ya? Ku ibehe eumashnu ushike ku sak ruwe ne gusu ne na.

Roukos 12:19

Orowa, ku ramat otta ene ku ye-hi; Ramat, inne paha gusu poron no okaibe aeumashnu wa okai; shini yan, ibe hemhem ki, iku hemhem ki, orowa nuchattek wa okai yan, sekoro itak.

Roukos 12:21

Yaikota gusu aeoteknup eumashnu wa Kamui epeka oteknu shomo ne an gurʼanak ne nei no korachi ne ruwe ne na.

Roukos 12:24

Paskuru chikap esanniyo yan, nei okaibe toita shomoki, nange ka shomoki; eumashnu tumbu hene pu hene sak ruwe ne; Kamui anak ne nei ambe ibere ruwe ne: chikap kasu no hemanda ataye shiri echi okai!

Roukos 18:4

orowa, shinuma anak ne pon no uturuta shomo ekottanu, koroka, okaketa yaikota koro keutumta ene itak-hi :— Kuani anak ne Kamui ko-ishitoma shomoki,

Roukos 18:6

Orowa, Utarapa ene itak-hi :— Oupeka sak no an ko-ipishi guru ye itak nu yan.

Yakob 3:15

Tapne an wayashnu-i anak ne rik orowa no ran ap shomo ne, koroka, moshiri umbe ne, rengaine an keutum umbe ne, nitne kamui umbe ne ruwe ne.

Yakob 4:13

Tanto hene nishatta hene nei kotan paye ash hine shine pa reushi, orowa, iraugetupa wa yaiepirikare kusu ne, ari an itak ani ye utara hetak tane esanniyo yan:

Yakob 4:15

Utarapa ramuoshma yakun chi utara shiknu wa tambe hene ki nei ambe hene ki kusu ne na ari an itak ani echi ye kuni an ambe ne.