Roukos 11:4 - Ashiri Aeuitaknup Iyohaichish Yona 1897

⁴ Chikoro chikokatpak tusare wa un kore; Chi utara yaikota ne yakka un orowa ashohosere utara pishno tusare ruwe ne gusu ne na. Orowa, chi utara anak ne iteki akoramnukara kuni ne ki wa un kore.

Roukos 11:4 ပူးပေါင်းရင်းမြစ်များ

Iyohaichish 121:7

Ehoba anak ne obitta no okai wenbe gusu e kikikara kusu ne, Shinuma e kon ramat shikkashima kusu ne na.

Iyohaichish 25:11

Aa Ehoba, E kon reihei irenga gusu ku wen-buri tusare wa en kore, Nei ambe porobe ne ruwe ne gusu ne na.

Iyohaichish 25:18

Ku oknatarap ku nuwapbe esanniyo wa Obitta no okai ku ki katpak tusare wa en kore.

Mattaios 18:35

Echi utara ne yakka pishno pishno ramu-osshi wano echi koro iriwak tusare shomoki chiki, kando otta an Ku Michihi ne yakka nei no echi otta ki kusu ne na.

Mattaios 26:41

Iteki akoramnukara kuni ne shiruwande wa inonno-itak ki yan: ramat anak ne ki rusuibe ne, koroka kam anak katchakbe ne ruwe ne.

Roukos 11:5

Orowa, Shinuma nei utara otta ene itak-hi :— Echi utara tumugeta inan guru ka shine ikatairotke guru an wa, an noshiketa shinuma otta oman hine orota ene itak-hi :— Ikatairotke guru, pantak reppish en erusa wa en kore;

Roukos 13:4

Samata, kashiketa Siroam un shiruwe chisei hokush wa aronnu tupesan niu ikashima wa niu anak ne Yerusarem kotan ta obitta no okai utara kasu no wen utara ne ani echi yainu ya?

Roukos 22:46

Hemanda gusu echi mokoro ya? Hopumba wa iteki echi akoramnukara kuni ne inonno-itak yan, ani itak.

Roukos 8:13

Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.

Yoannes 17:15

Moshiri orowa no Aokai anak ne nei utara uk kuni Ku koramkoro shomoki, koroka, wenbe orowa no ohaitare kuni ne Ku koramkon na.

I Korintos 10:13

Ainu sei eaikap ikoramnukara-hi echi utara gusu isama; koroka, Kamui anak ne sonep ne, echi yaishiporore eashkai kasu no echi utara akoramnukara kuni ramuoshma shomoki kusu ne: koroka, echi yaishiporore eashkai kuni ne nei koramnukara-hi tura ohaitare kuni ushi kan ruwe ne gusu ne na.

Korosai 3:13

utomchiure yan; utashpa uwe-shiyupupu; nep ne yakka eiyonnuppa kuni ushike an chiki uweusaraye yan; Utarapa echi tusare korachi echi utara ne yakka nei no ki yan;

II Tessaronike 3:3

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

II Timoteos 4:18

Utarapa anak ne pishno no an wen ikip orowa no en ohaitare kusu ne, orowa, kando un moshiri gusu en kashiobiuki kusu ne: otusashuishiri wano otusashuishiri pakno Shinuma orun arakuru an na. Amen.

Yakob 2:13

Inambe gusu ne yakun, erampokiwen wa kore shomoki guru anak ne shomo aerampokiwen wa akoipishi kusu ne na: koipishi ambe anak ne rampoken gusu anrapoki akari kusu ne ruwe tapan na.

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.

Ekambakbe 3:10

Eani anak ne Ku yaiyupupu oma itak shikkashima nisa ruwe ne gusu, nei shiruwande kuni gusu an ek kushki pakihi orowa no, moshiri kata oshiroma utara shiruwande kuni ne, ingi-moshirʼun utara kata ek kushki pakihi orowa no e shishire ash kusu ne na.