Roukos 11:39 - Ashiri Aeuitaknup Iyohaichish Yona 1897

³⁹ Orota Utarapa ene itak-hi :— Tane echi Parisee un utara anak ne itangi newa sei-nima soige furaye; koroka echi onnaige anak ne niwenbe newa wenburi ani eshik ruwe ne.

Roukos 11:39 ပူးပေါင်းရင်းမြစ်များ

Iyohaichish 22:13

Sambe-chinoiba wa hawe ash shishi korachi En orun paro hasa ruwe ne.

Mattaios 15:19

Inambe gusu ne yakun, wen yainu-hi hene, keukbe hene, omoinu ambe hene, hoiyop hene, ikka ambe hene, shunge paweteshu ki ambe hene, sakayokara ambe hene, ainu keutum wano hetuku ruwe ne gusu ne na:

Mattaios 7:15

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Roukos 16:15

Aige, Shinuma nei utara otta ene itak-hi :— Echi utara anak ne utara tek samata yaikatpak sakte ruwe ne, koroka, Kamui anak echi koro keutum eraman: inambe gusu ne yakun, utara tumugeta ariknarep anak ne Kamui tek samata aetunnep ne ruwe ne gusu ne na.

Roukos 7:13

Utarapa nei shiwentep nukara chiki otta erampokiwen wa kore, aine, orota iteki chish, ani itak.

Roukos 7:19

Awa, Yoannes anak ne koro koikara utara tu niu shihekote hotuyekara wa Utarapa otta payere wa ene itakte-hi :— Ek kuni ainu anak ne Aokai ne ruwe? Shui moshima ek kuniʼguru chi ehuyepa kusu ne ya?

Yoannes 12:6

Nei guru anak ne irapokkari utara ramu-ehahge gusu tambe ye shomoki, koroka, shinuma ikka guru ne, orowa, shuop koro wa nei oshiketa aomare okaibe ani wa oman nisa ruwe ne.

Yoannes 13:2

Orowa, marapto e rapoketa nitne kamui anak ne Simon poho Kariot kotan un Youdas koro keutum ta Shinuma ekoshi kuni yainu-hi tane omare okere,

Apostoro ikip oma kambi 5:3

Koroka, Petros ene itak-hi :— Ananias, Ashkanne Ramat otta koshunge wa nei toi oro emkoho anire kuni ne nep gusu Satan anak ne e koro sambe shiktere nisa ruwe he an? nei ambe an ita anak ne eani yaikota korope shomo ne ya?

Garatea 1:14

ekashi koro oina gusu ku keutura shi no seisek wa gusu, nei rapoke ku goro kotan un utara kasu no naa Yudea un epakashi otta ku aeyairamushinnere nisa ruwe ne.

II Timoteos 3:5

koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

Titus 1:15

Turu-sak guru otta obitta no okaibe anak turu-sak ruwe ne: koroka, turu-ush wa eumbipka utara otta nep ne yakka shomo turu-sak ruwe ne; aige, koro sambe ne yakka keutum ne yakka turu-ushbe ne ruwe ne na.

Yakob 4:8

Kamui orun karange no araki yan, yakun, Shinuma echi orun karange no ek kusu ne. Katpak koro utara, echi koro teke ashkannere yan; tu keutum koro utara, echi koro sarabe turusakte yan.