Roukos 11:18 - Ashiri Aeuitaknup Iyohaichish Yona 1897

¹⁸ Orowa, Satan ne yakka utashpa uweyaiukoupipi chiki, nekon a koro moshiri okai eashkai ya? Kuani anak ne Beeruzebub ani nitne kamui Ku oashinge ruwe ne ani echi ye ruwe ne gusu ne na.

Roukos 11:18 ပူးပေါင်းရင်းမြစ်များ

Mattaios 10:25

Koikara guru anak ne koro epakashnu guru nei no an, ausshiunere guru kon nishpa nei no an ambe anak ne pakno ne ruwe ne: chisei kon nishpa Beeruzeboru ani reikore yakun, kasu no nei chisei un utara ne yakka shomoki kusu ne ya?

Mattaios 12:26

Satan yaikota gusu yaiekopi ruwe ne; yak anak ne nekon a shinuma koro moshiri ash eashkai ya?

Mattaios 4:10

Orowa shinuma orun Yesu ene itak-hi :— Satan, oyakta oman, E koro Utarapa ne Kanrui otta ongami, ouse Shinuma otta patek yaishieiwangere e ki kusu ne na, sekorʼan itak anuye wa an ruwe ne gusu ne na, sekoro ye nisa ruwe ne.

Mattaios 4:24

Orowa, Siria moshirʼebitta Shinuma shiassuru ashte wa an, awa, usa okai tashum koro utara hemhem, usa okai iunin newa shiyeyepa utara hemhem, nitnep shikatkari utara hemhem nochi-iush utara hemhem, tushushke tashum ki utara hemhem, obitta atura wa Shinuma orota araki, aige, aiwangere nisa ruwe ne.

Roukos 11:15

Koroka, Shinuma anak ne, nitne kamui esapane Beeruzebub ani nitne kamui oashinge ruwe ne ari ye utara okai.