Roukos 10:35 - Ashiri Aeuitaknup Iyohaichish Yona 1897

³⁵ Orowa no, nei shimge toho ta tu denaria sange wa yando chisei kon nishpa otta kore wa ene itakhi :— Nei guru eyam no shikkashima; orowa, tambe kasu no e eiwange yak anak ne kuani ku hoshipi ita ku sange wa e kore ash kusu ne na,

Roukos 10:35 ပူးပေါင်းရင်းမြစ်များ

Mattaios 18:28

Koroka, nei ausshiunere guru oman wa yaikota ashikne hotne denaria shosere tura no iki auitek guru nukara wa, nei guru uk wa rekuchi kishima hine ene itak-hi :—

Mattaios 20:2

Orowa, shine to range shine denaria sange kusu ne sekoro nei monraige utara tura ukoramkoro okere chiki, koro hat toi otta payere ruwe ne.

Roukos 10:34

orowa, orota ek wa koro piri kata shum newa tonoto ota wa nei piri kokarakara nisa ruwe ne; samata, yaikota koro chikoikip kata ore hine yando chisei orun ani wa eyam no shikkashima nisa ruwe ne.

Roukos 10:36

ani itak Tan ren tumugeta nei ikka utara orowa no ashikkashima ainu otta inan guru ka aota un guru ne ya? Nekon a e yainu ya? sekoro Yesu itak.

Roukos 14:13

Koroka, marapto e kara chiki, otek-sak utara hemhem, hera utara hemhem, yaiewen utara hemhem, shiknak utara hemhem hotuyepakara yan;

Roma 16:23

Otta ku reushi chisei koro guru ne Kaios newa karisia ebitta echi uwekap ruwe ne.