Roukos 10:27 - Ashiri Aeuitaknup Iyohaichish Yona 1897

²⁷ Nekon a e orooitak ya? Nei guru ese wa ene itak-hi :— Sambe osshi wano hemhem, keutura osshi wano hemhem, kiroro an pakno hemhem, ramu an pakno hemhem, Utarapa ne e koro Kamui omap yan; orowa yaiomap korachi aota un guru ne yakka omap yan, ani itak.

Roukos 10:27 ပူးပေါင်းရင်းမြစ်များ

Mattaios 19:19

Yesu ene itak-hi :— Iteki keuk yan, iteki omoinu koro yan, iteki ikka yan, iteki shunge paweteshu ki yan, e koro ona e koro unu ko-oripak yan; orowa, yai-omap korachi moshima an guru omap yan.

Roukos 10:26

Orota Shinuma ene itakhi :— Tuitak otta hemanda chi-eshinnuye wa an a?

Roma 13:9

Inambe gusu ne yakun, Iteki omoinu, Iteki keuk, Iteki ikka, Iteki yaikoshipuinere, orowa, nei moshima ikashpaotte an yakun, Yaiomap korachi aota un guru omap yan, sekorʼan tan itak oshiketa oina ruwe ne.

Garatea 5:13

Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan.

Hebraios 8:10

Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na:

Yakob 2:8

Yakka, echi utara anak ne Kamui kambi kata chieshinnuye wa an — Eani yaikota yai-omap korachi aota un guru omap yan, — ari an sapane an tuitak uweomare chiki, pirikap echi iki na;

I Yoannes 3:18

Nokan utara, iteki itak ani, parumbe ani, omap ki, koroka, iki-buri newa sonep ani omap yan.