Roukos 10:25 - Ashiri Aeuitaknup Iyohaichish Yona 1897

²⁵ Orowa, ingarʼan, shine ikashpaotte pita guru ash wa Shinuma koramnukara wa ene itak-hi :— Epakashnu guru, ramma okere shomoki inotu ku eikeshkoro kuni nekon a ku ki kusu ne ya.

Roukos 10:25 ပူးပေါင်းရင်းမြစ်များ

Markos 10:17

Orowa, Shinuma payekai korʼan ita, orota shine ainu hoyupu wa kotchaketa kokkaea hine ene itakhi :— Pirika epakashnu guru, kuani hembara pakno ne yakka shiokere shomoki inotu ku eikeshkoro kuni ne nekon a ku ki yak pirika ya? sekoro nu.

Markos 10:3

Orota Shinuma ese wa ene itak-hi :— Mose anak ne nep ani echi kashpaotte ya?

Markos 12:28

Orowa, kambi-nuye guru shiueu ek, awa, nei utara utashpa uwepekennu shiri nu, samata, Yesu anak ne pirika no nei utara otta ese itak ki sekorʼambe eramʼan koro, orota ene uwepekennu-hi :— Iyotta sapane an ikashpaotte nekon a ambe ne ya, ari itak.

Roukos 10:24

inambe gusu ne yakun, echi otta Ku ye, inne uweingara utara newa Moshiri shikkashima utara anak ne echi nukarabe nukan rusui, awa, nukara shomoki; orowa, echi nu okaibe nu rusui a koroka nu shomoki nisa ruwe ne na.

Roukos 10:26

Orota Shinuma ene itakhi :— Tuitak otta hemanda chi-eshinnuye wa an a?

Roukos 18:18

Orowa, shine esapane guru Shinuma otta nu wa ene itak-hi :— Pirika epakashnu guru, kuani hembara pakno ne yakka okere shomoki inotu eikeshkoro kuni nekon a ku ki yak pirika ya, ari nu.

Roukos 7:30

Koroka, Parisee un utara hemhem Mose ikashpaotte pita utara hemhem Shinuma orowa no baptisma akore shomoki gusu; yaikota gusu Kamui esanniyop emaka nisa ruwe ne.

Yoannes 8:6

Tan itak ye katu anak ne Shinuma koramnukara wa otta eiyonnuppa ikkewehe koro kuni gusu an katu ne ruwe ne. Koroka, Yesu hotku wa ashikipet ani shiri kata nuye nisa ruwe ne.

Garatea 3:18

eitakarakirep isamka shomoki ruwe ne. Inambe gusu ne yakun, ruokake ambe anak ne tuitak an gusu ne okaibe ne chiki, eitakamkire an gusu shomo ne; koroka, Kamui anak ne eitakamkire ambe ani Abraham otta nei ambe koropare nisa ruwe ne na.