Roma 9:22 - Ashiri Aeuitaknup Iyohaichish Yona 1897

²² hene ki akoatchap ne kara hene ki kuni kiroro shomo kon ruwe he an? Yakun, Kamui anak ne koro kinrakarape nukare hemhem ki, koro kiroro ashte hemhem ki kuni irenga koro wa aisamka kuni gusu an aekinrakarape poron no eramushiporore yak hemanda ruwe?

Roma 9:22 ပူးပေါင်းရင်းမြစ်များ

Iyohaichish 90:11

E koro kinrakara kiroro eraman guru nen ne ruwe? E ko-oripak kuni gusu an irushka-i eraman guru nen ne ruwe he an?

Roma 1:18

Oupeka sak wa sonep shirikonumba wa okai utara koro obitta no okai Kamui koatcha ambe newa oupeka sak-i gusu, Kamui irushka-hi kando orowa no aekambak wa an;

Roma 9:17

Inambe gusu ne yakun, Parao otta Kamui Kambi ene itak-hi :— Ku koro kiroro e nukare ash hemhem ki, moshiri kata Ku reihei assuru aashte kuni gusu hemhem aki kuni ne tap ambe gusu Kuani e hopunire ash nisa ruwe ne.

Roma 9:20

Iteki, koroka, Kamui orun tasa itak ye aokai anak ne nen ne ruwe? Katu akorep anak ne nei katuhu kore guru otta — Hemanda gusu tap nei no en kara ya,

Roma 9:21

ari an itak ani ye kusu ne ya? Shui, sei-shintoko kara guru anak ne rengaine nei toi gusu, nei shinep ne an epunipushbe ani aainukorobe ne kara

I Tessaronike 2:16

aige, Oya un utara kashichiobiuki kuni ne chi itak katu hattoki ruwe ne; aine, ramma-kane koro chikokatpak epa shiriki; koroka, okese pakno nei utara kashita irushka arabe ek an ruwe ne na.

I Tessaronike 5:9

Inambe gusu ne yakun, irushka ambe gusu shomo ne, koroka, un gusu rai chikoro Utarapa ne Yesu Kiristo ankushkerai kashichiobiuki arabe a un kore kuni ne, Kamui anak ne un atte nisa ruwe ne;

II Timoteos 2:20

Koro chisei onnaigeta ouse kongani op newa shirokani op patek okai shomo ne, koroka, chikuni op newa toitoi op ne yakka okai; samata, momokbe gusu aeiwange kunip okai, aeoripakbe gusu aeiwange kuni ambe okai ruwe ne.

I Petros 2:8

Orowa, Eshitchiure kuni shuma, epetchiure kuni watara ne akan nisa ruwe ne: inambe gusu ne yakun, nei utara itakkashi wa eshitchiu ruwe ne; nei ambe gusu poka nei utara anak ne aashte nisa ruwe ne.

I Petros 3:20

nei ramat anak ne fushkotoita, Noa okai wa shinuma kara chip aetokooiki wa an Kamui ramushiporore ki wa untere rapoketa itakkashi utara ne; nei chip otta moyo utara, tupesan niu ne utara wakka gusu kashiaobiuki nisa ruwe ne na;

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

II Petros 2:9

Utarapa anak ne Kamui ko-oripak utara akoramnukara-i ohaitare katu eraman, samata, koipishi toho pakno apanakte kuni gusu oupeka sak utara shikkashima katu eraman;

II Petros 3:15

Orowa, chikoro Utarapa ramu-shiporore-hi anak ne kashiobiuki ambe ne sekoro esanniyo yan; chikoro omap an iriwak ne Pauros ne yakka orota akore wayashnu-i korachi echi gusu nuye nei no ki yan; Shinuma anak ne obitta nuye kambi kata poka tap okaibe gusu ye na;

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.