Roma 8:6 - Ashiri Aeuitaknup Iyohaichish Yona 1897

⁶ Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

Roma 8:6 ပူးပေါင်းရင်းမြစ်များ

Yoannes 14:27

Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 17:5

Orowa, tane, Ku Michihi, moshiri naa shomo an etokota E tura no Ku an wa a En ko-oripakte-i ani, E yaikota E tura no En ko-oripakte wa En kore.

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 14:17

Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

Roma 5:1

Tambe gusu, eishokor-i ankushkerai aoupekare wa okai gusu,

Roma 5:10

Inambe gusu ne yakun, epokba utara chi ne a rapoketa, koro Poho rai ambe ankushkerai Kamui eramuriten yak anak ne, tane mashkin, aeramuriten wa okai gusu Shinuma koro inotu otta kashiobiuki kusu ne na;

Roma 6:21

Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.

Roma 6:23

Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Roma 7:11

inambe gusu ne yakun, katpak anak ne, nep ika an gusu, nei ikashpaotte ankushkerai en kokandama,

Roma 7:5

Inambe gusu ne yakun, kam otta echi okai rapoketa, tuitak ankushkeraipo chikoro katpak oma ayairamshitnere ambe anak ne chikoro awehe tumta monraige wa rai gusu an ibehe hetukure kuni iki nisa ruwe ne.

Roma 8:13

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

Roma 8:27

orowa, sambe chimchimi guru anak ne Ramat koro keutum eraman, Kamui irenga nei no ashkanne utara gusu yaikurukata koramkon ruwe ne gusu ne na.

Roma 8:7

aige, kam nei no an keutum anak ne Kamui epokba ruwe ne, Kamui tuitak koitaknu shomoki ruwe ne gusu ne na, shui,

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Garatea 6:8

Yaikota koro kam gusu etoita gurʼanak ne kara gusu muninbe nanke kusu ne; koroka, Ramat gusu etoita gurʼanak, Ramat gusu otusashuishiri pakno an inotu nanke kusu ne na.