Roma 8:37 - Ashiri Aeuitaknup Iyohaichish Yona 1897

³⁷ Son no un, obitta tap okaibe gusu un omap guru ankushkeraipo annokara kashpa ki utara chi ne ruwe ne.

Roma 8:37 ပူးပေါင်းရင်းမြစ်များ

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Roma 8:35

Kiristo koro omap-hi wano un oyakta ande guru inan guru ne ya? Aeramchuptekbe hene ya? Yairamkoiki ambe hene ya? Aepokbap hene ya? Kem-an hene ya? Atusa ambe hene ya?

I Korintos 15:54

Koroka, tan munin kuni okaibe anak ne shomo muninbe ani mire, orowa tan rai kuni ambe shomo rai-ambe utomchiure chiki, nei ita :— Rai-i aannokara wa aisamka sekorʼan itak auweomare kusu ne gusu ne a ambe ne ruwe ne.

I Korintos 15:57

katpak koro kiroro anak tuitak ne: koroka, chikoro Utarapa ne Yesu Kiristo gusu un annokare Kamui otta koyaiiraige na.

II Korintos 12:19

Chi utara tap ramma-kane echi utara gusu yaiyapapu ash ruwe ne ari echi ramu. Kamui teksamata okai wa Kiristo oshiketa chi ye ruwe ne. Koroka, aeomap utara, obitta no okaibe anak echi aroshikire ash gusu nep ruwe ne.

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

Garatea 2:20

Kuani Kiristo tura no utasa chikuni otta akotukka okere; yakka, ku ishu wa an; kuani shomo ne, koroka, en oshiketa Kiristo ishu ruwe ne: orowa, tane kam otta ku ishu inotu anak eishokoro ambe an gusu an ambe ne ruwe ne, nei ambe anak en omap wa en gusu yaiyange Kamui Poho gusu an ambe ne ruwe tapan na.

Epesos 5:2

Kiristo ne yakka echi omap wa un rengap gusu niwa hura an aikrap newa ayange kunip gusu Kamui otta yaikota yaiyange korachi ki yan.

II Tessaronike 2:16

Tane chikoro Utarapa ne Yesu Kiristo yaikota hemhem un omap wa irenga ankushkerai otusashiri pakno an omaoma ambe newa pirika chipachipa ambe un koropare chikoro Michi ne Kamui hemhem anak ne,

I Yoannes 4:10

Chi utara anak ne Kamui omap nisa ruwe ne a gusu shomo ne, koroka, Shinuma un omap wa chikoro chikokatpak imommuye kuni gusu koro Poho ette ari an ambe otta, tata otta omap-hi an.

I Yoannes 4:19

Shinuma hoshiki no un omap nisa ruwe ne gusu, chi utara omap ki ruwe ne.

I Yoannes 4:4

Nokan utara, echi utara anak ne Kamui orowa no an okaibe echi ne, nei utara annokara okere echi ki nisa ruwe ne: echi oshiketa okaibe anak ne moshiri oshiketa okaibe kasu no naa porobe ne ruwe ne gusu ne na.

Youdas 1:24

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

Ekambakbe 1:5

orosama, ikipniukesh paweteshu ki, rai guru orowa no hoshiki no ahetukure, moshiri shikkashima utara epungine Yesu Kiristo orowa no hemhem, echi utara gusu irenga newa itomo an na. Un omap hemhem ki, koro kem ani chikoro katpak gusu un furayepa hemhem ki:

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.

Ekambakbe 3:9

Ingarʼan, Satan koro nwekari un utara, orowa, Yudea un utara shomo ne, koroka, shunge wa Yudea un utara ne kunak yaiporose utara orowa akore ash ruwe ne; ingarʼan, nei utara anak ne e chikiri kotchaketa koongami kuni ne Ku arakire kusu ne, orowa, Kuani e omap ash an ambe Kuani nei utara eramande kusu ne na.