Roma 8:27 - Ashiri Aeuitaknup Iyohaichish Yona 1897

²⁷ orowa, sambe chimchimi guru anak ne Ramat koro keutum eraman, Kamui irenga nei no ashkanne utara gusu yaikurukata koramkon ruwe ne gusu ne na.

Roma 8:27 ပူးပေါင်းရင်းမြစ်များ

Iyohaichish 139:1

AA Ehoba, Aokai anak ne en pishi wa en eraman ruwe ne.

Iyohaichish 38:9

Aa Utarapa, ku kon rusuibe anak ne E kotchaketa okai, Ku nuwap hawe anak ne E otta aseshke shomo ne ruwe ne.

Iyohaichish 44:21

Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.

Iyohaichish 7:9

Aa, wen utara koro wen-buri isamka, koroka, oupeka utara roshkire wa en kore; Inambe gusu ne yakun, oupeka Kamui anak ne keutum newa sambe ikkeu pakno shiruwande ruwe ne.

Mattaios 6:8

Tambe gusu iteki nei no okai yan: echi inonno-itak ki etokota echi kon rusuibe echi koro Michi eramu an wa an ruwe ne gusu ne na.

Roukos 16:15

Aige, Shinuma nei utara otta ene itak-hi :— Echi utara anak ne utara tek samata yaikatpak sakte ruwe ne, koroka, Kamui anak echi koro keutum eraman: inambe gusu ne yakun, utara tumugeta ariknarep anak ne Kamui tek samata aetunnep ne ruwe ne gusu ne na.

Yoannes 14:13

Orowa, Poho oshiketa Michi anak ne aeoripak kuni ne, Ku reihei ankushkerai nep ne yakka echi koramkorope Ku kara kusu ne.

Yoannes 21:17

Re otutanu shui orota, — Yoannes poho Simon, aokai En omap ya? ari itak. Re shuine aokai En omap ya? ani an itak ani orota ye gusu, Petros anak ne oknatara ruwe ne. Awa, orota ene itak-hi :— Utarapa, Aokai anak ne nep ne yakka E eraman; Kuani E omap ash shiri Aokai eraman ruwe ne, ani itak. Orota, Ku hitsuji ibere yan, ani an itak ani Yesu itak.

Apostoro ikip oma kambi 1:24

Orowa, nei utara inonno-itak ki wa ene itak-hi :— Aokai, Utarapa, obitta no okai utara koro keutum eraman Kamui E ne ruwe ne; koro ushike orun oman kuni ne orowa no ohaita Youdas kon nisa tap otta yaishieiwangere kunip newa

Apostoro ikip oma kambi 15:8

Orowa, keutum eraman Kamui anak ne nei utara gusu paweteshu ki wa, un orun korachi, nei utara otta ne yakka Ashkanne Ramat kore nisa ruwe ne;

Roma 8:34

Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

Roma 8:6

Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

Epesos 2:18

inambe gusu ne yakun, Shinuma gusu tup ne okai chi utara anak ne shine Ramat otta Michi orun ehange no arakire nisa ruwe ne gusu ne na.

I Tessaronike 2:4

koroka, pirika shongo a un shikkashimare kuni pakno an utara chi ne kunak Kamui anak esanniyo korachi; tambe nei no chi ye ruwe ne; utara nupetnere kuni korachi shomo ne, koroka chikoro sambe uwande wa ingara Kamui nupetnere kuni gusu itak ruwe ne.

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

Yakob 5:16

Tambe gusu, echi ki katpak utashpa uwe-eyaipushi yan, echi utara aiwangere kuni ne uweutashpa gusu inonno-itak ki yan. Oupeka guru ki inonno-itak anak ne porobe iki ruwe ne na.

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.