Roma 8:2 - Ashiri Aeuitaknup Iyohaichish Yona 1897

² Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

Roma 8:2 ပူးပေါင်းရင်းမြစ်များ

Iyohaichish 51:12

E koro kashiobiuki-hi gusu an nupetne ambe kannashui en kore: Orowa, irenga an ramat ani en nitata wa en kore.

Yoannes 4:10

Yesu ese wa orota ene itak-hi :— Eani anak ne Kamui korarape hemhem e eramʼan, samata, En ikure wa En kore ani an itak ani e otta ye guru hemhem e eamkiri yak anak, eani anak ne Shinuma otta koramkoro kusu ne, orowa, Shinuma ishu wakka e kore ash kusu ne na, ari itak.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 6:63

Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne.

Yoannes 8:32

samata, sonep echi eraman kusu ne, orowa, nei sonep anak ne echi honnere kusu ne na.

Yoannes 8:36

Tambe gusu, Poho anak ne echi honnere chiki, son no poka echi ahonnere an kusu ne.

Roma 16:3

Kiristo otta en tura no iki Priska newa Akira uwekap an,

Roma 3:27

Yakun, yaiyomonnure kuni ushike neita an a? Asoyekatta. Nekon a tuitak ani, Iki ikip ani ruwe? Shomo: koroka, eishokor-i sekorʼan tuitak ani ne ruwe ne.

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

Roma 6:14

Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

Roma 6:18

aige, katpak orowa no ahonnere wa oupekap otta ausshiune utara echi ne nisa ruwe ne.

Roma 6:22

Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Roma 7:21

Tambe gusu, pirikap ki rusui guru ku ne en otta wenbe an ruwe ne sekorʼan tuitak ku nukara.

Roma 7:23

koroka, ku goro awehe onnaigeta moshima an tuitak ku nukara, nei tuitak anak ne ku keutum ta kotumi koro wa ku goro awehe ta okai katpak tuitak otta en tekepashte korʼan ruwe ne.

Roma 7:4

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

Roma 8:1

Tambe gusu, Kiristo Yesu oshiketa okai utara gusu tane katpak akore-i isam ruwe ne.

I Korintos 15:45

Ene anuye wa an korachi :— Hoshike no an Ainu ne Adam anak ne shiknu ramat ne. Iyoshi no an Adam anak shiknure ramat ne ruwe ne.

II Korintos 3:17

Utarapa anak ne nei Ramat ne ruwe ne: aige, Utarapa kon Ramat an ushiketa rengaine an ambe an ruwe ne.

II Korintos 3:6

Shinuma ka nei ashiri uitaknup gusu upak no an yaishieiwangere utara ne kuni un kara nisa ruwe ne; anuye ikiri gusu shomo ne, koroka, nei ramat gusu ne ruwe ne; inambe gusu ne yakun, anuye ikiri anak ne raige ruwe ne, koroka, ramat anak ne shiknure ruwe ne gusu ne na.

Garatea 2:19

Inambe gusu ne yakun, Kamui gusu ku ishu kuni ne, tuitak ankushkerai gusu tuitak epeka ku rai nisa ruwe ne.

Garatea 5:1

Son no rengaine an nrondum ari an an ambe ani Kiristo anak ne un honnere nisa ruwe ne: tambe gusu, roshki wa iteki ausshiune an rekuchi orunbe gusu aeyausshiunere yan.

Garatea 6:2

Uweutashpa koro ashikerep uweseire hine, Kiristo kore tuitak uweomare yan.

Yakob 1:25

Koroka, aeramushinne an, rengaine an nrondum oma tuitak otta hotku wa ingara wa okai gurʼanak ne, shinuma oira no an nu guru shomo ne, koroka, ikip ki guru ne wa gusu, tan guru anak ne iki wa akoingara kusu ne na.

Ekambakbe 11:11

Orowa, to e emko e ine to an chiki, Kamui inotu oma heisepa nei onnaige un ahun, aige, nei utara anak kema kata roshki; awa, ingara utara anak ne shi no ishitoma nisa ruwe ne.

Ekambakbe 22:1

Orowa, shinuma anak ne nei nachiya onnaigeta,