Roma 8:18 - Ashiri Aeuitaknup Iyohaichish Yona 1897

¹⁸ Tane okai ayairamshitnere ambe anak ne un otta anukare kusu ne a arakuru otta aukopa gusu uweepeka shomo ne kuni ku esanniyo.

Roma 8:18 ပူးပေါင်းရင်းမြစ်များ

Apostoro ikip oma kambi 20:24

Koroka, ku inotu anak ne en gusu aoshkorobe ne sekoro ku esanniyo shomoki, aine, ku iki kuni ushike ku okere hemhem ki, Kamui irenga gusu an pirika shongo epaweteshu kuni ari an Utarapa ne Yesu orowa no a en kore yaishieiwangere-hi hemhem ku ki kuni an ap ne ruwe ne.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

Korosai 3:4

Kamui otta anuina wa an ruwe ne. Chikoro inotu ne Kiristo anak ne anukara kusu ne ita, nei ita anak echi utara ne yakka Shinuma tura no nupeki otta anukara kusu ne na.

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Hebraios 11:35

Hetopo-ashiknure gusu shiwentep utara anak ne koro rai utara uina: moshima okai utara anak ne aeramushitnere, aige, kikiraye kuni ambe ekatupase; tambe anak naa pirika hetopo-shiknu-hi akore kuni gusu an ambe ne:

I Petros 1:13

Tambe gusu, echi koro keutum ta kut koro wa yairamatte yan, orowa, Yesu Kiristo anukara ita echi utara gusu hetuku irenga utumashi shomoki no echipachipa yan;

I Petros 4:13

koroka, Kiristo iki ayairamshitnere ambe tura no iki utara echi ne ruwe ne gusu nupetne yan; tambe anak Shinuma koro nupekihi anukara ita ne yakka, poron no ramuritetke wa, echi nupetne gusu ne na.

I Petros 5:1

Tura no iki ekashi, samata, Kiristo iki yairamshitnere-hi gusu paweteshu ki, samata anukara kusu ne nupeki ne yakka tura no koro guru ku ne anak ne, tambe gusu,

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.