Roma 8:16 - Ashiri Aeuitaknup Iyohaichish Yona 1897

¹⁶ Ramat yaikota chikon ramat tura chi utara anak ne Kamui poho ne sekorʼan paweteshu ambe ki ruwe ne: orowa, poho ne chiki,

Roma 8:16 ပူးပေါင်းရင်းမြစ်များ

Mattaios 5:9

Itomo ashte utara anak ne anunuke ne; nei utara Kamui Poho utara ne ani areikore ruwe ne kusu ne gusu ne na.

Roukos 20:36

orowa, shui nei utara anak ne naa rai eaikap: Kamui hauturumbe nei no okaibe ne; orowa, hetopo-shiknu poho ne gusu Kamui poho ne ruwe ne.

Yoannes 1:12

Koroka, obitta no okai Shinuma uk utara otta, Shinuma kon reihei eishokoro utara otta, Kamui Poho ne kuni mondum koropare nisa ruwe ne.

Apostoro ikip oma kambi 5:32

utara anak ne tap orushpe gusu paweteshu ki utara chi ne, samata, otta koitaknu utara eun Kamui koropare Ashkanne Ramat ne yakka ene ani ne ruwe ne na, ari itak.

Roma 8:14

Inambe gusu ne yakun, Kamui Ramat ani atura utara, obitta nei utara anak Kamui poho utara ne ruwe ne gusu ne na.

Roma 8:19

Akara okaibe earikinne echipachipap anak ne Kamui poho utara anukara-hi etere ruwe ne.

Roma 8:23

Tambe patek shomo ne, koroka, chi utara ne yakka. Ramat hetukure aro-ibehe koro chi utara ne yakka, yaioshiketa nuwap wa poho ne akara-hi chi tere: netobake kikiaraye kuni-hi chi tere koro okai ruwe ne.

Roma 8:26

Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

Roma 9:26

Orowa, otta Echi utara anak ne ku goro uirup shomo ne ari an itak ani aye ushiketa okai utara anak ne, Nei ushiketa okai utara anak ishu Kamui koro poho utara ani areikore kusu ne na.

Roma 9:8

Tan ikkeu anak ene ani ne :— Kam gusu an utara anak ne Kamui poho shomo ne; koroka, eitakamkire gusu an poho utara anak ne santek ne aesanniyo ruwe ne.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 1:22

Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

II Korintos 5:5

Tap an ambe gusu un kara guru anak ne Kamui ne ruwe ne, aige, Shinuma anak Ramat emkoso un kore nisa ruwe ne na.

II Korintos 6:18

Aine, echi utara gusu Michihi Ku ne kusu ne, Echi utara anak ne Ku okkai poho Ku matne poho echi ne kusu ne na, ari nep ne yakka ki eashkai Utarapa ye nisa ruwe ne.

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 4:6

Orowa, echi utara poho echi ne wa gusu, Kamui anak ne koro Poho kon Ramat chikoro keutura ta ahunge wa, Abba, Michihi, yere nisa ruwe ne.

Epesos 1:13

echi utara ne yakka son no an itak, echi kashiobiuki gusu an pirika shongo echi nu okaketa, orowa, Shinuma gusu eishokoro ki okere chiki, Ashkanne Ramat gusu an eitakamkirep ani echi hau aomare ruwe ne;

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

I Yoannes 3:1

Chi utara anak ne Kamui Poho ne aporose kuni ne Michi un koropare omap ambe nekon a okaibe ne ya sekoro ingara yan: ene ani ka chi ne ruwe ne. Tambe gusu, moshiri anak ne un eamkiri shomoki, shomo Shinuma eamkiri nisa ruwe ne gusu ne na.

I Yoannes 3:10

Tata otta Kamui poho utara hemhem nitnep koro poho utara hemhem anukan ruwe ne: nen ne yakka oupekap shomo ki guru hene, koro iriwak shomo omap guru hene, Kamui orowa no an ap shomo ne.

I Yoannes 3:2

Aomap an utara, tane anak ne chi utara Kamui poho chi ne ruwe ne, koroka, nekon a okaibe chi ne kusu ne ya sekorʼambe naa shomo anukare ruwe ne. Shinuma anak ne anukara chiki, chi utara Shinuma koheraye kusu ne sekorʼambe chi eraman; Shinuma an korachi chi nukara ash kusu ne gusu ne na.

I Yoannes 4:13

Shinuma anak ne kon Ramat un koropare gusu chi utara Shinuma oshiketa riya, Shinuma ka un oshiketa riya ari an ambe chi eraman ruwe ne.

I Yoannes 5:10

Kamui poho eishokoro gurʼanak ne, koro oshiketa nei paweteshu-hi koro: shomo Kamui eishokoro guru anak ne Shinuma shungere nisa ruwe ne; inambe gusu ne yakun, koro Poho gusu Kamui ki paweteshu-hi eishokoro shomoki nisa ruwe ne gusu ne na.

Ekambakbe 21:7

Annokara iki guru anak ne tap okaibe eikeshkoro kusu ne; orowa, Kuani anak ne nei guru koro Kamui Ku ne, aige, nei guru anak ne Ku poho ne kusu ne na.