Roma 8:1 - Ashiri Aeuitaknup Iyohaichish Yona 1897

¹ Tambe gusu, Kiristo Yesu oshiketa okai utara gusu tane katpak akore-i isam ruwe ne.

Roma 8:1 ပူးပေါင်းရင်းမြစ်များ

Yoannes 14:20

Nei toho ta Kuani anak ne Ku Michi otta Ku an, orowa, echi utara En otta okai, samata, Kuani anak echi otta Ku an shiri echi eraman kusu ne na.

Yoannes 15:4

En oshiketa echi okai yan, orowa, echi oshiketa Ku an kusu ne. Ni-tek anak ne pungara otta shomo kotuk chiki yaikota ibe o eaikap korachi, echi utara ne yakka En otta okai shomo ne chiki ibe o eaikap ruwe ne.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Roma 16:3

Kiristo otta en tura no iki Priska newa Akira uwekap an,

Roma 16:7

Ku apaha utara, en tura ipakashnu chisei ta okai Apostoro tumta assuru an, en hoshiki no Kiristo otta okai Andronikos newa Ionnias uwekap an.

Roma 5:1

Tambe gusu, eishokor-i ankushkerai aoupekare wa okai gusu,

Roma 5:16

Orowa, shinen katpak ki gusu nei korarape an shomo ne. Inambe gusu ne yakun, akoipishi wa akokatpakte kuni aesanniyo ambe anak ne shinen orowa no an, koroka, nei eikrap anak ne aesanniyo gusu inne ohaitap orowa no an ruwe ne.

Roma 7:17

Tambe gusu nei ambe kara guru anak ne kuani shomo ne, koroka, en onnaigeta oshiroma katpak iki ambe ne ruwe ne.

Roma 7:20

Koroka, shomo ku ki rusuibe, nei ambe ku ki yak ne, nei ambe ki guru anak ne kuani shomo ne, koroka en onnaigeta oshiroma katpak iki ambe ne ruwe ne.

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

Roma 8:14

Inambe gusu ne yakun, Kamui Ramat ani atura utara, obitta nei utara anak Kamui poho utara ne ruwe ne gusu ne na.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

Roma 8:34

Nei utara oupekare Kamui ne ruwe he an? Katpak kore guru nen ne ruwe? Rai, shui, makangane hetopo-shiknu wa Kamui shimon-tek samata an hine un eikotchanne ne yakka ki Kiristo ne ruwe he an?

Roma 8:39

ek kusu ne ambe hene, kiroro unbe hene, ri-ambe hene, ooho-i hene, nep ne yakka moshima an okaibe hene, chikoro Utarapa ne Kiristo Yesu oshiketa an Kamui omap-hi wano un oyakta ande eaikap ruwe ne, sekoro ku esanniyo koro an ruwe ne na.

Roma 8:4

nei ambe anak ne, kam nei no apkash shomoki, koroka, ramat nei no apkash korʼan un oshiketa nei tuitak aesanniyop auweomare kuni gusu an ambe ne.

Roma 8:9

Echi onnaigeta Kamui Ramat anak uni ne koro yak anak ne kam onnaigeta shomo echi okai, koroka, ramat onnaigeta echi okai ruwe ne. Koroka, nen ne yakka Kiristo kon Ramat shomo koro guru an chiki; nei guru anak Shinuma otta ko-an guru shomo ne ruwe ne.

I Korintos 1:30

Koroka, Shinuma ankushtapne echi utara anak ne Yesu Kiristo oshiketa okai hine un gusu Kamui orowa no wayashnu ambe, oupeka ambe,

I Korintos 15:22

Adam gusu utara obitta rai korachi, Kiristo gusu utara obitta ashiknure kusu ne gusu ne na.

II Korintos 12:2

Kiristo oshiketa shine ainu ku eamkiri, ine pa ikashima wan pa etoko (netobake oshiketa an hene ne ya ku eramushkare; netobake soigeta an hene ne ya ku eramushkare; Kamui eraman), nei a an guru anak ne re ikinne an kando orun auk nisa ruwe ne.

II Korintos 5:17

Tambe gusu, inan ne yakka Kiristo oshiketa an chiki, shinuma anak ashiripe ne: fushko okaibe paye wa isama; ingarʼan, ashiripe ne akan nisa ruwe ne.

Garatea 3:13

nei ambe otta ishu kusu ne. Kiristo anak ne un gusu aiyoitakushi ambe ne akara gusu, tuitak gusu an iyoitakushi ambe orowa no un kikiraye nisa ruwe ne: inambe gusu ne yakun, ene chieshinnuye wa an :— Chikuni kata aeokte obitta no okai utara pishno aiyoitakushi an na — sekorʼan itak anuye wa an ruwe

Garatea 3:26

Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne.

Garatea 3:28

Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na.

Garatea 5:16

Koroka, ene ku ye-hi:— Ramat otta apkash yan; yakun, kam gusu ibeporore ambe shomo echi uweomare kusu ne.

Garatea 5:25

Chi utara Ramat gusu ishu chiki, Ramat gusu apkash ne yakka ki yanro.

Epesos 1:1

Kamui rengaine an gusu Kiristo Yesu koro Apostoro ne Pauros anak ne Epesos kotan ta okai aashkannere utara newa Kiristo Yesu gusu ikipniukesh utara otta kambi omande:

Piripoi 3:9

tambe anak ne Kiristo ku epirikare wa Shinuma oshiketa a en nukara, samata, tuitak gusu hetuku yaikota koro oupeka ambe koro shomoki, koroka, Kiristo otta an eishokor-i gusu hetuku oupeka ambe, — eishokor-i gusu Kamui orowa no hetuku oupeka