Roma 6:4 - Ashiri Aeuitaknup Iyohaichish Yona 1897

⁴ Tambe gusu, chi utara anak ne baptisma gusu rai-hi otta Shinuma tura no aomare; Kiristo anak ne Michi nupeki gusu rai orowa no hotopo-a-shiknure korachi, chi utara ne yakka ashiri inotu oma wa apkash kuni gusu ne na.

Roma 6:4 ပူးပေါင်းရင်းမြစ်များ

Yoannes 11:40

Orota Yesu ene itak-hi :— Eani eishokoro yak anak ne Kamui nupeki e nukara kusu ne, ani e otta Ku ye shomoki ya? ari itak.

Yoannes 2:11

Tap atpake an shirosh Gariraya moshiri un Kan a kotan ta Yesu ki wa, koro nupeki nukare nisa ruwe ne; orowa no, koikara utara Shinuma eishokon nisa ruwe ne na.

Apostoro ikip oma kambi 2:24

wa raigere nisa ruwe ne: Kamui anak ne rai gusu an nuwapbe pita chiki Shinuma hetopo-shiknure nisa: inambe gusu ne yakun, nei ambe ani Shinuma ashikkashima eaikapbe ne ruwe ne.

Apostoro ikip oma kambi 2:32

Kamui anak ne tan Yesu hetopo-shiknure nisa, nei ambe gusu paweteshu ki utara chi ne ruwe ne.

Roma 6:19

Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Roma 6:3

Kiristo Yesu otta Baptisma akore chi utara anak ne obitta Shinuma rai-hi otta baptisma akore na sekorʼambe echi erampeutek ruwe he an?

Roma 6:8

Koroka, chi utara anak ne Kiristo tura no rai a chiki, Shinuma tura no shiknu kusu ne sekoro chi eishokonʼruwe ne.

Roma 6:9

Kiristo anak ne rai-i orowa no hotopo-a-shiknure wa kanna rai shomoki kusu ne; rai-i anak tewa no shinuma esapane shomoki ruwe ne, sekoro chi eraman.

Roma 7:6

Koroka, tane anak nei tuitak orowa no chi utara ahonnere wa okai, teeda ani atupe ambe orun rai nisa ruwe ne gusu ne na; tambe gusu, chi utara auak ne ausshiune wa ashin no ramat otta iki, nei fushko ikiri otta shomo iki ruwe ne na.

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

I Korintos 6:14

awa, Kamui anak ne Utarapa hetopo-shiknure nisa ruwe ne, samata, Shinuma koro kiroro ani un hetopo-shiknure kusu ne na.

II Korintos 13:4

Shinuma katchakbe ankushtapne utasa-chikuni otta akungi-kokikkik yakka Kamui kiroro ankushtapne Shinuma ishu ruwe ne. Chi utara ne yakka Shinuma tura katchakbe ne, koroka, echi epeka no an Kamui kiroro ankushkeraipo Shinuma tura no ishu kusu ne gusu ne na.

II Korintos 5:17

Tambe gusu, inan ne yakka Kiristo oshiketa an chiki, shinuma anak ashiripe ne: fushko okaibe paye wa isama; ingarʼan, ashiripe ne akan nisa ruwe ne.

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Epesos 5:8

inambe gusu ne yakun, teeda echi utara kurokokbe echi ne a koroka, tane anak Utarapa otta pekerebe echi ne ruwe ne gusu ne na:

Korosai 3:10

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

Korosai 4:1

Nishpa ne utara, echi koro usshiune utara otta oupeka newa oupak an ambe kore yan; aige, echi utara ne yakka kando oshiketa Nishpa kon ruwe ne kunak eramu yan.

I Petros 3:21

nei wakka anak ne tane un kashiobiuki baptisma koro son no nokaha ne ruwe ne, tambe anak ne kara oma ichakkerep isamka gusu shomo ne, koroka, Yesu Kiristo hetoposhiknu-hi an gusu Kamui epeka no keutum yaikowepekere shomoki-i gusu an ambe ne ruwe ne;

I Yoannes 2:6

Shinuma onnaigeta ku riya sekoro ye gurʼanak ne, Shinuma apkash nisa korachi nei guru poka yaikota apkash kunip ne ruwe tapan na.