Roma 6:23 - Ashiri Aeuitaknup Iyohaichish Yona 1897

²³ Inambe gusu ne yakun, katpak gusu an pummaha anak ne rai ambe ne ruwe ne; koroka, Kamui sange eikrap anak ne chikoro Utarapa ne Yesu Kiristo otta ramma pakno shiokere shomoki inotu ne ruwe ne gusu ne na.

Roma 6:23 ပူးပေါင်းရင်းမြစ်များ

Mattaios 25:46

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Yoannes 10:28

orowa, orota ramma okere shomoki inotu Ku kore ruwe ne; nei ambe hembara ne yakka aisamka shomoki, orowa, Ku teke wano nei ambe etaye guru isam kusu ne na.

Yoannes 17:2

Aokai anak ne Shinuma otta kore obitta no okai kam esapane kuni mondum kore korachi, nep ne yakka Shinuma orun Aokai korarape otta Shinuma ramma okere shomoki inotu kore kuni gusu ne na.

Yoannes 3:36

Poho eishokoro gurʼanak ne ramma okere shomoki inotu kon ruwe ne; koroka, Poho eishokoro shomoki gurʼanak ne inotu nukara shomoki, Kamui kinrakarape shinuma kashiketa an wa an ruwe ne na.

Yoannes 4:14

koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na.

Yoannes 4:36

Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na.

Yoannes 5:24

Son no son no echi otta Ku ye, Ku itak nu wa En omandep eishokoro guru anak ne ramma okere shomoki inotu koro, orowa, akoipishi shomoki, koroka, rai-i orowa no paye wa inotu otta ahun nisa ruwe ne.

Yoannes 6:27

Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na.

Yoannes 6:40

Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

Yoannes 6:68

Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne.

Roma 1:32

nei utara anak ne nei no okaibe ikichi utara araige kuni gusu an utara ne sekorʼan Kamui esanniyop eraman, aige, nei ambe ki patek shomo ne, koroka, moshima okai ikichi utara otta ramuoshma ruwe ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 5:12

Tambe gusu, shine ainu ankushkerai katpak anak ne moshirʼotta ahun, orowa, katpak ankushkerai rai ambe ahun korachi; rai ambe anak ne obitta no okai utara koturuse, utara obitta katpak kon ruwe ne gusu ne na :—

Roma 5:17

Nei shinen ki ohaitap rengap gusu rai-ambe anak ne shinen ankushkerai esapane chiki naa naa nuye an no nei irenga newa aoupekare oma korarape akore utara anak ne nei shinen gusu, Yesu Kiristo gusu, shiknu wa esapane ruwe ne na.

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

Roma 6:16

Ara shomo. Itaknu ki kuni otta yaikota echi yaikoropare wa yaiusshiunere guru gusu, katpak gusu an rai-ambe otta hene, oupekap gusu an uitaknu ambe otta hene, koro itak nu wa ki chiki, nei guru koro usshiune utara echi ne sekoro shomo echi eraman ruwe he an?

Roma 6:21

Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.

Roma 8:13

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

Roma 8:38

Inambe gusu ne yakun, rai ambe hene, inotu hene, hauturumbe hene, esapanep hene, tane an okaibe hene,

Roma 8:39

ek kusu ne ambe hene, kiroro unbe hene, ri-ambe hene, ooho-i hene, nep ne yakka moshima an okaibe hene, chikoro Utarapa ne Kiristo Yesu oshiketa an Kamui omap-hi wano un oyakta ande eaikap ruwe ne, sekoro ku esanniyo koro an ruwe ne na.

Roma 8:6

Inambe gusu ne yakun, kam nei no an keutum anak ne rai ambe ne; ramat nei no an keutum anak ne inotu ne, itomo ne ruwe ne gusu ne na:

Garatea 3:10

tuitak ikip gusu iki utara anak ne obitta aiyoitakushi ambe choropoketa okai: tuitak kashiketa chieshinnuye wa an obitta no okaibe ki kuni ne, shomo nei okaibe otta obitta no okai utara anak pishno pishno aiyoitakushi an — sekoro anuye wa an ruwe ne gusu ne na.

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Yakob 1:15

Orowa, yai-keutum iki rusuibe yairat chiki, katpak o: orowa, katpak anak shukup chiki; rai-arabe hetukure ruwe ne.

I Yoannes 2:25

Un gusu Shinuma eitakamkire uitaknup anak ne shiokere shomoki inotu ne ruwe ne.

Ekambakbe 21:8

Koroka, ashitoma utara hemhem, eumbupka iki utara hemhem, aetunne utara hemhem, kewe-uk utara hemhem, hoiyo utara hemhem, ponitak-hi utara hemhem, nokaha koongami utara hemhem, orowa obitta no okai shunge ki utara hemhem abe newa iwau ani paraparase to oshiketa akore kunip uk kusu ne: tambe anak ne tutanu an rai-ambe ne ruwe ne.