Roma 6:22 - Ashiri Aeuitaknup Iyohaichish Yona 1897

²² Koroka, tane katpak gusu ahonnere utara chi ne wa Kamui uitek utara echi ne gusu, ashkannere-i gusu an ibehe echi koro, nei oro hetukup anak ne shiokere shomoki inotu ne ruwe ne.

Roma 6:22 ပူးပေါင်းရင်းမြစ်များ

Iyohaichish 143:12

Orowa, omap-an-ramuhauge irenga sange wa en epokba utara otuye, Orowa, ku ramat eyairamshitnere utara ushtekka wa en kore; E koro uitek guru ku ne ruwe ne gusu ne na.

Iyohaichish 86:2

Ku kon ramat koshiratki wa en kore; Kamui ku kooripak ruwe ne gusu ne na: Aa ku goro Kamui, Aokai orun eyaikopashte uitek guru kashiobiuki wa en kore.

Iyohaichish 92:14

Onne yakka ibehe hetukure; Fukinani an wa pe eshik kusu ne

Mattaios 13:40

Tambe gusu, zizania mun anak ne auwekarire wa abe ani auhuika korachi, moshiri aokere-i ta ne yakka nei no an kusu ne.

Mattaios 13:43

Nei ita anak ne tokap chup nupeki atte korachi oupeka utara ne yakka koro michi koro moshiri ta nupeki atte kusu ne na. Kisara koro guru, nu yan.

Mattaios 19:29

Orowa, nen ne yakka chisei hene, ainu uiriwak hene, matne uiriwak hene, ona hene, unu hene, poho hene, toi hene, Ku rengap gusu ande chiki, ashikne hotne pakno koro, orowa, hembara pakno ne yakka shiokere shomoki inotu eikeshkoro kusu ne.

Mattaios 25:46

Orowa, tan utara anak ne hembara pakno ne yakka okere shomoki apanakte i orun paye: koroka, oupeka utara anak hembara pakno ne yakka inotu ani orun ahup kusu ne na.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 15:2

En otta okai ibe o shomoki ni-tek, Shinuma obitta oyake un omande: orowa, obitta no okai ibe o ni-tek anak ne naa kasu no ibe o kuni gusu, Shinuma turusakte ruwe ne.

Yoannes 4:36

Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na.

Yoannes 8:32

samata, sonep echi eraman kusu ne, orowa, nei sonep anak ne echi honnere kusu ne na.

Roma 6:14

Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

Roma 6:18

aige, katpak orowa no ahonnere wa oupekap otta ausshiune utara echi ne nisa ruwe ne.

Roma 6:21

Tane echi eyainikoroshma ambe gusu, nei rapoketa nekon a ibehe echi kon nisa ruwe he an? Nei okaibe gusu hetukup anak ne rai-ambe ne ruwe ne gusu ne na.

Roma 7:25

Chikoro Utarapa ne Yesu Kiristo ankushkerai gusu, Kamui koyaiiraige na. Tambe gusu, kuani yaikota koro keutum ani Kamui tuitak otta yaiusshiunere ruwe ne; koroka, kam ani katpak tuitak otta ne ruwe ne.

Roma 7:4

Tambe gusu, ku iriwak utara, Kiristo kon netobake ankushkerai echi utara ne yakka tuitak epeka no rai utara ne akara; nei ambe anak ne moshimap otta rai orowa no hetopo-a-shiknure guru otta akore wa Kamui gusu ibehe hetukure kuni gusu an ap ne.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

I Korintos 7:22

nei ambe eiwange yan. Inambe gusu ne yakun, ausshiunere wa an, aine, Utarapa gusu ahotuyekara gurʼanak ne, Utarapa koro ahonnere wa an gunʼne: nei no korachi, ahonnere wa an, aine, ahotuyekara gurʼanak ne Kiristo koro usshiune guru ne ruwe ne.

II Korintos 3:17

Utarapa anak ne nei Ramat ne ruwe ne: aige, Utarapa kon Ramat an ushiketa rengaine an ambe an ruwe ne.

Garatea 1:10

Tane kuani anak ne utara onishnishi ruwe he an? Kamui onishnishi ruwe he an? Shui, utara nupetnere kuni ambe ku hunara ya? Tane poka utara nupetnere ku ki chiki, Kamui usshiune guru shomo ku ne ruwe ne na.

Garatea 5:13

Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan.

Garatea 5:22

Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene,

Epesos 5:9

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

Piripoi 1:11

samata, Kamui aramye kuni an, otta nupeki atte kuni an Yesu Kiristo gusu hetuku oupeka oma ibehe ani aeshik wa Kiristo koro toho pakno echi turu-sak wa shomo ureepetchiure kuni an ambe ne ruwe ne.

Piripoi 4:17

Aikrap ku hunara gusu shomo ne; koroka, echi utara gusu nuye an no hetuku ibehe ku hunara gusu ne ruwe tapan na.

Korosai 1:10

samata, Utarapa nupetnere kuni kopakeatbe otta echi apkash hine obitta no okai pirika ikip otta ibehe hetukure wa Kamui oma eramanbe otta naa shukup kuni ne okere shomoki no inonno-itak chi ki wa koramkoro shiriki okai;

Korosai 4:12

Echi tumuge wano an Kiristo Yesu koro usshiune guru ne Epapras anak ne echi ekap na, echi utara aeramushinne no roshki hine Kamui koro oma-irenga utumashi shomoki no eraman kuni ne, ramma kane shinuma shiyuppa no inonno-itak ruwe ne.

Titus 1:1

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

Yakob 1:1

Kamui newa Utarapa ne Yesu Kiristo koro usshiune guru Yakob ku ne anak ne chiusachari wa okai tu ikashima wan ainu sanikiri un uirup otta irangarap ku ki na.

I Petros 1:9

gusu echi eishokoro ki ambe, echi kon ramat kashiaobiuki ambe echi kon ruwe ne na.

I Petros 2:16

rengaine an mondum koro yakka wenbe akamurep ne gusu iteki nei a echi koro rengaine an mondum koro yan; koroka, Kamui usshiune utara korachi echi okai yan.

Ekambakbe 7:13

Kamui otta an na. Amen, ari itak nisa ruwe ne. Orowa, nei ekashi un shinen anak ne en orun ese wa ene itak-hi :— Retara amip ani utomchiure wa okai tapan utara hunna ruwe, samata, hunak wa araki an utara ne ruwe he an?