Roma 6:19 - Ashiri Aeuitaknup Iyohaichish Yona 1897

¹⁹ Echi koro kam anak ne katchakbe ne ruwe ne gusu, kuani ainu ye korachi ku ye ruwe ne: inambe gusu ne yakun, echi utara anak ne ichakkere ambe gusu katpak wano katpak otta koro awehe echi usshiunere korachi, tewa no awehe aashkannere gusu oupeka-i otta usshiunere yan.

Roma 6:19 ပူးပေါင်းရင်းမြစ်များ

Mattaios 4:23

Orowa, Yesu anak ne Gariraya moshirʼebitta apkash wa Kamui kora kenru ta epakashnu hemhem ki, moshiri gusu an pirika shongo ye wa upaskuma hemhem ki: naa samata, ainu tumugeta okai usa tashum newa usa shiyeye iwangere nisa ruwe ne na.

Roma 15:1

Tumashnu wa okai utara anak ne yaikota yainupetnere shomoki no, turu-sakbe koro katchakbe sei kunip ne.

Roma 3:5

Koroka, chikoro oupeka-sakbe anak ne Kamui oupeka ambe ashte yakun, nekon chi ye kusu ne ya? Irushka irenga sange Kamui oupeka-sakbe ne ruwe he an? (ainu itak korachi ku itak ruwe ne).

Roma 6:13

shui, oupeka-sakbe ki kuni gusu an eshipopkep nei no iteki echi koro awehe katpak otta koropare yan; koroka, rai-i orowa no shiknu korachi Kamui otta yaikota yaiyange, orowa, oupekap ki kuni gusu an eshipopkep nei no echi koro awehe Kamui otta yange yan.

Roma 7:23

koroka, ku goro awehe onnaigeta moshima an tuitak ku nukara, nei tuitak anak ne ku keutum ta kotumi koro wa ku goro awehe ta okai katpak tuitak otta en tekepashte korʼan ruwe ne.

Roma 8:26

Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

I Korintos 5:6

Echi yaiomonnure ambe anak ne pirikap shomo ne. Pon no an pandane anak ne nei ramne taku shipushkere ambe shomo echi eraman ya?

I Korintos 6:11

Echi sereke utara anak ne deeda nei no okai utara echi ne a koroka, tane echi ayashke okere, koroka, echi aashkannere an na, koroka, chikoro Kamui kon Ramat newa Utarapa ne Yesu Kiristo kon reihei otta echi utara aoupekare nisa ruwe ne na.

I Korintos 9:8

Ainu ye-hi korachi tapan okaibe ku ye ya?

Garatea 3:15

Iriwak utara, ainu ye-hi korachi ku itak ruwe ne: nei ambe anak ne ouse ainu ki uitaknup ne a yakka, iki aeramushinne chiki, nei ambe isamka hene ki, otta moshima okaibe kashioraare hene ki guru isam ruwe ne.

Hebraios 12:15

nen ka Kamui irenga gusu eyaikoemaka guru an ya shomo ya irammakaka ingara yan; ikineipeka shiu shinrit ika hetuku wa echi keutum-chiukopoyere hene ki, ani inne utara turu-ushte hene ki na;

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.