Roma 6:17 - Ashiri Aeuitaknup Iyohaichish Yona 1897

¹⁷ Koroka, Kamui koyaiiraige na; echi utara anak ne etoko wa katpak koro usshiune utara echi ne, awa, otta echi akore epakashi aikoikarape ramu-osshi wano itaknu ki utara echi ne nisa ruwe ne;

Roma 6:17 ပူးပေါင်းရင်းမြစ်များ

Iyohaichish 18:44

Nei utara en gusu an orushpe nu chiki, nani itaknu kusu ne: Oya utara en otta itaknu kusu ne.

Apostoro ikip oma kambi 11:18

Tap okai orushpe nei utara nu chiki, mo no okai wa Kamui iramye hine ene itakhi :— Yakun, oya uirup otta ne yakka ashiknure kuni yaikokatpak ambe Kamui koropare nisa ruwe ne na, ari itak.

Apostoro ikip oma kambi 28:15

Awa, nei kotan ta okai iriwak utara anak ne un gusu an orushpe nu chiki, Appios Poros newa Trion Tabernon pakno un ekanok gusu araki nisa ruwe ne: aige, Pauros anak ne nei utara nukara yakun Kamui koyaiiraige wa yairametokte nisa ruwe ne.

Roma 1:5

Chikoro Utarapa ne Yesu Kiristo ne; Shinuma ani irenga newa Apostoro ne kuni mondum a un koropare nisa, tambe anak shinuma kon reihei rengap gusu obitta no okai moshiri uirup tumugeta eishokor-i oma itaknu ambe akire kuni ambe ne:

Roma 1:8

Hoshiki no anak obitta no okai echi utara gusu Yesu Kiristo ani ku koro Kamui orun ku koyaiiraige na; echi koro eishokor-i moshirʼebitta assuru-a-ashte wa an ruwe ne gusu ne na.

Roma 15:18

Kuani anak ne, itak otta, ikip otta, shirosh newa iyokunnurep kiroro ani,

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

I Korintos 1:4

Ramma kane echi utara gusu, Kiristo Yesu oshiketa echi otta akoropare Kamui irenga gusu, ku goro Kamui otta koyaiiraige ash na;

I Korintos 14:6

Koroka, tane iriwak utara, ku ek ita oya un itak ani ye, aige, anukarape gusu hene, eramushbe gusu hene, uweingarape gusu hene, epakashnu ambe gusu hene ku iki shomoki yakun hemanda echi epirikare ash kusu ne ya?

II Korintos 2:14

Koroka, ramma Kiristo oshiketa un ani wa un annokare hemhem ki, obitta no okai ushiketa chi utara ankushkerai koro eramushbe hura assuru ashte hemhem ki Kamui otta koyaiiraige an na.

Epesos 1:16

inonno-itak ku ki ita echi eshkarun wa ramma echi utara gusu yaiiraige ku ki ruwe ne;

I Tessaronike 3:9

chi utara ishu ruwe ne gusu ne na. Kamui tek-samata echi ankushkerai, ani chi eyaikopuntek nupetne ambe gusu, shui Kamui otta echi utara gusu nekon a yaiiraige an arabe chi yange eashkai ruwe he an?

II Tessaronike 1:3

Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

II Timoteos 1:13

En orowa no e nu okere nisashnu an itak katuhu gusu anak, Kiristo Yesu oshiketa an eishokor-i atte ambe newa omap ambe ani shikkashima yan.

Pirimon 1:4

Ramma-kane ku goro Kamui ku koyaiiraige wa ku ki inonno-itak otta e reihei ku ye ruwe ne; e ki omap ambe gusu ne yakka,

Hebraios 11:8

Eishokor-i an gusu Abraham anak ne anishuk ita, aeikeshkoro kuni ushike orun arapa kuni koitaknu nisa; awa, nei oro arapa ya eramushkare no shinuma oman nisa ruwe ne.

Hebraios 5:9

samata, Shinuma aeramushinnere okere chiki, otta koitaknu obitta no okai utara gusu otusashuishiri pakno an kashichiobiuki ambe koro ikkewe ne akan na;

I Petros 1:22

Echi utara anak ne oheuge sak no iriwak utara omap hemhem ki, sonep otta itaknu hemhem echi ki-i ani kon ramat echi turu-sakte okere gusu, orowa,

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

I Petros 3:1

Tap korachi, machi ne echi utara, yaikota koro hoku otta itaknu yan: nei utara poka itak otta ko-nu shomoki no,

I Petros 4:17

Inambe gusu ne yakun, Kamui kora kenru ta akoipishi heashi kuni pakihi anak ne an; aige, hoshiki no un gusu aheashire chiki, Kamui pirika shongo koitak-nu shomoki utara okesehe anak ne nekon a ambe ne kusu ne ya?

II Yoannes 1:4

Michi orowa no akore ikashpaotte nei no e koro poho tumuta okai utara anak ne son no apkash wa okahi ani an ambe ku nukan nisa ruwe ne gusu, shi no ku nupetne ruwe ne.

III Yoannes 1:3

Iriwak utara araki wa paweteshu ki korachi aokai anak ne sonep otta apkash koran sekoro en nure ita, poron no ku nupetne