Roma 6:14 - Ashiri Aeuitaknup Iyohaichish Yona 1897

¹⁴ Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

Roma 6:14 ပူးပေါင်းရင်းမြစ်များ

Mattaios 1:21

Nei shiwentep anak ne okkai po hekature kusu ne na; orowa, Shinuma anak ne koro utara koro katpak isamka kuni gusu ne aiai ne gusu, Yesu ani an reihei ani kore yan, sekoro itak.

Yoannes 1:14

Orowa, Itak anak ne kam ne, un tura no oshiroma nisa ruwe ne (orowa, chi utara anak ne nei nupeki nukara, Michi orowa no an shinen ne Poho nupeki korachi ne), irenga newa son-i ani aeshik wa an ruwe ne.

Yoannes 1:17

Tuitak anak ne Mose ani akoropare nisa ruwe ne; irenga newa son-i anak Yesu Kiristo ani ek nisa ruwe ne.

Yoannes 8:36

Tambe gusu, Poho anak ne echi honnere chiki, son no poka echi ahonnere an kusu ne.

Roma 11:6

Orowa, irenga gusu ne chiki tane Iri ikip ankushkeraipo shomo ne: shomo ne yakun, irenga anak ne tane irenga shomo ne na.

Roma 4:16

buri ne yakka isam ruwe ne. Tambe gusu irenga nei no an wa eishokor-i gusu an ambe ne; nei ambe anak ne eitakamkirep obitta no okai santek otta an kuni gusu an ambe ne; ouse nei tuitak otta kotuk santek gusu patek ne ambe shomo ne, koroka, Abraham koro eishokor-i otta kotuk santek gusu ne yakka an ambe ne ruwe ne: Shinuma anak ne otta ko-eishokoro guru kotchaketa,

Roma 5:17

Nei shinen ki ohaitap rengap gusu rai-ambe anak ne shinen ankushkerai esapane chiki naa naa nuye an no nei irenga newa aoupekare oma korarape akore utara anak ne nei shinen gusu, Yesu Kiristo gusu, shiknu wa esapane ruwe ne na.

Roma 5:18

Tambe gusu, shine ohaitap ankushkerai obitta no okai utara akokatpakte korachi, tambe nei no shine aoupekarep ankushkerai obitta no okai utara ashiknure gusu aoupekare ruwe ne.

Roma 6:12

Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Roma 6:15

Yakun, nekon a? Tuitak choropoketa shomo chi okai wa irenga choropoketa okai gusu, tambe gusu katpak chi ki kusu ne ya?

Roma 8:12

Tambe gusu, iriwak utara, chi utara anak ne kam gusu shiknu wa, kam otta ishu kuni ambe shomo chi ne ruwe ne:

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

Garatea 3:23

Koroka, eishokoro-i ek isam etokota, chi utara anak ne tuitak gusu a un shikkashima nisa, okake anukare kusu ne aeishokor-i otta a un koapa shi nisa ruwe ne.

Garatea 4:21

Tuitak choropoketa okai rusui utara tambe en nure

Garatea 5:18

Koroka, echi utara anak ne Ramat ari aani yakun, tuitak choropoketa echi okai shomoki ruwe ne.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 8:10

Utarapa ene itak-hi :— Nei toho okaketa Israeru chisei tura ku iki kushki euitaknup anak ne tambe ne ruwe ne; Koro keutum ta Ku goro tuitak Ku omare kusu ne, Orowa, koro sambe kata nei ambe Ku nuye kusu ne: Shui, nei utara gusu Kamui Ku ne kusu ne, Aige, En gusu nei utara uirup ne kusu ne na: