Roma 6:12 - Ashiri Aeuitaknup Iyohaichish Yona 1897

¹² Tambe gusu, nei ambe kon rusuibe shomo echi ki kuni ne, koro rai kuni netobake ta iteki katpak esapanere yan;

Roma 6:12 ပူးပေါင်းရင်းမြစ်များ

Iyohaichish 119:133

Ku goro chikiri E korʼitak orun omande wa en kore; Orowa nep irarape ne yakka iteki en esapanere kuni ne kara wa en kore.

Iyohaichish 19:13

Shui, E koro uitek guru iteki hokamginʼno katpak ki kuni ne kara wa en kore; Nei ap iteki en esapanere wa en kore: yakun kuani aeramushinne kusu ne, Orowa, nei poro okaitap ku ki shomoki kusu ne na.

Roma 13:14

Koroka, Utarapa ne Yesu Kiristo yaimire wa kam gusu an kon rusuibe gusu iteki etokooiki yan.

Roma 2:8

koroka, sakayo ki wa sonep itakkashi, aige, oupeka sakbe koitaknu utara otta,

Roma 5:21

nei ambe anak, rai otta katpak anak ne esapane ki nisa ruwe ne a korachi, tambe nei no chikoro Utarapa ne Yesu Kiristo rengap gusu irenga anak ne aoupekarep ankushkerai otusashuishiri pakno an inotu otta esapane kuni gusu an na.

Roma 6:14

Katpak anak ne shomo echi esapane kusu ne; tuitak choropoketa okai utara shomo echi ne, koroka, irenga choropoketa echi okai ruwe ne gusu ne na.

Roma 6:16

Ara shomo. Itaknu ki kuni otta yaikota echi yaikoropare wa yaiusshiunere guru gusu, katpak gusu an rai-ambe otta hene, oupekap gusu an uitaknu ambe otta hene, koro itak nu wa ki chiki, nei guru koro usshiune utara echi ne sekoro shomo echi eraman ruwe he an?

Roma 8:11

Koroka, rai-i orowa no Yesu hetopo-shiknurep kon Ramat echi onnaigeta uni koro yakun, rai-i orowa no Kiristo Yesu hetopo-shiknurep anak ne echi onnaigeta uni koro Shinuma kon Ramat ankushkerai gusu echi koro rai kuni netobake shiknure kusu ne na.

Roma 8:13

inambe gusu ne yakun, kam gusu echi shiknu chiki, echi rai kusu ne ap; koroka, netobake iki ikip ramat ani echi raige yakne echi shiknu kusu ne.

II Korintos 4:11

Yesu koro inotu poka chikoro rai kuni kam oshiketa anukara kuni ne, ishu wa okai chi utara anak ne ramma kane Yesu rengap gusu rai-i orota aekoshi shiriki an ruwe ne.

II Korintos 5:4

Son no poka tan kash oshiketa okai chi utara anak ne pase no ashikere wa oromande; tambe anak ashirarayere rusuibe gusu shomo ne, koroka, kashi chiutomchiure rusuibe gusu ne, aige, rai kuni ambe anak ne inotu ani aruki kuni gusu ne na.

Garatea 5:16

Koroka, ene ku ye-hi:— Ramat otta apkash yan; yakun, kam gusu ibeporore ambe shomo echi uweomare kusu ne.

Garatea 5:24

Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

Epesos 2:3

etokota echi utara ne yakka nei utara tumugeta okai wa kara gusu an ibeporore ambe koro, kara newa yainu-hi gusu an okaibe ki rusui wa moshima okai utara korachi shiko orowa no irushka gusu an poho echi ne nisa ruwe ne:— koroka,

Epesos 4:22

nei ambe tapne ne, kokandama oina iki rusuibe gusu awende wa an fushko ainu etoko an buri tura oyakta ande hine,

I Tessaronike 4:5

shomo Kamui eamkiri oya utara nei no wenbe ki rusui yainu-hi koro shomoki no okai:

II Timoteos 2:22

Koroka, upen guru iki rusui wen-buri eshishi hine turu-sak sarabe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

Titus 3:3

Inambe gusu ne yakun, chi utara ne yakka, etokoko wano ramu-sak utara chi ne, itakkashi, akokandama an, usa okai wenbe kon rusui keutum koro wa yaishiniupare, wenbe newa eyaitunnap ikichi, aetunne, uwe-enupitara chi ne nisa.

I Petros 1:14

itaknu poho utara korachi ki wa eramushkare ita ki korachi iteki ibeporore ambe otta yaikoropare yan;

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

Youdas 1:16

Tan utara anak ne oromam ki utara ne, iyaishirikara utara ne, koro hoiyo keutum nei no eshipa ki (paroho an poro yaiomonnure itak ye) ani yaiepirikare gusu an utara panore ruwe ne.

Youdas 1:18

okese an paki ita yaikota koro Kamui koatcha an hoiyo keutum nei no apkash wa eoyaitak ki utara araki kusu ne, ari an itak ani echi epakashnu